கமேனியின் இறுதி ஊர்வலத்தில் மில்லியன் கணக்கணக்கான மக்கள் திரண்டனர்.

ஈரானின் மறைந்த உச்ச தலைவருக்கான ஊர்வலத்தில் தெஹ்ரான் வீதிகளில் பெரும் திரளான மக்கள் திரண்டு இறுதி அஞ்சலியைச் செய்துவருகிறார்கள். 

அமெரிக்காவுடனான அமைதிப் பேச்சுவார்த்தைகளுக்கு மத்தியில், இந்த மாபெரும் நிகழ்வானது அந்த மதகுருமார்களின் ஆட்சி தனது பலத்தைக் காட்டும் ஒரு செயலாகக் கருதப்படுகிறது.

ஈரானின் மறைந்த உச்ச தலைவர் அயதுல்லா அலி கமேனி மற்றும் அவரது குடும்பத்தினரின் உடல்பேளைகளுக்கு ஊர்வலத்தில் , தெஹ்ரானில் மில்லியன் கணக்கான மக்கள் கலந்துகொண்டு இறுதி அஞ்சலியைச் செய்து வருகிறார்.

போரை நிரந்தரமாக முடிவுக்குக் கொண்டுவருவது குறித்த பேச்சுவார்த்தைகளை நடத்தும் வேளையில், நாட்டின் தொடர்ச்சியான வலிமையையும் ஒற்றுமையையும் வெளிக்காட்டுவதற்காகவே இந்த மாபெரும் மக்கள் திரளை ஈரான் ஆட்சி ஊக்குவித்தது.

ஈரானிய அரசு தொலைக்காட்சி, தெஹ்ரானின் ஆசாதி (சுதந்திர) சதுக்கத்திலிருந்து அதே பெயரைக் கொண்ட தெருவில் பல கிலோமீட்டர் (மைல்கள்) தூரத்திற்கு மக்கள் கூட்டம் பரவியிருந்ததை ஹெலிகாப்டர் மூலம் எடுக்கப்பட்ட படங்களைக் காட்டியது.

இறக்கும்போது 86 வயதாக இருந்த கமெனி மற்றும் அவரது குடும்ப உறுப்பினர்களின் உடலங்கள் இமாமின் சன்னதியைச் சுற்றிப் பயன்படுத்தப்படும் அலங்கார பெட்டியில் அலங்கரிக்கப்பட்ட ஒரு ஒரு பாரவூர்தியில் ஏற்றிச் செல்லப்பட்டன.

வாகனத்தின் ஓரமாக நின்ற பலரும், ஊர்வலப் பாதையில் மற்ற இடங்களிலும், அமெரிக்க அதிபர் டொனால்ட் டிரம்ப் மற்றும் இஸ்ரேலியப் பிரதமர் பெஞ்சமின் நெதன்யாகு ஆகியோரின் மரணத்தைக் கோரும் பதாகைகளையும், அட்டைகளையும், கொடிகளையும் ஏந்திச் சென்றனர் .

கடும் வெப்பத்தின் காரணமாக ஊர்வலத்தில் கலந்துகொண்ட மக்களைக் குளிர்விப்பதற்காக அவர்கள் மீது நீர்த்துளிகள் தெளிக்கப்பட்டது.

 இந்த ஊர்வலம் மெஹ்ராபாத் சர்வதேச விமான நிலையத்தில் உள்ள அதன் இலக்கை அடைவதற்கு முன்பு, 12 மணி நேரம் தெஹ்ரான் வழியாகச் செல்லவிருந்தது என இந்த நிகழ்வை மேற்பார்வையிடும் இஸ்லாமியப் புரட்சிகரப் பாதுகாப்புப் படையின் (IRGC) ஜெனரல் ஹசன் ஹசன்சாதே கூறினார். 

கமெனிக்கான அதிகாரப்பூர்வ துக்க காலம் சனிக்கிழமை தொடங்கியது. வியாழக்கிழமையன்று, அவரது பிறந்த இடமான மஷ்ஹத்தில் உள்ள இமாம் ரெஸா நினைவிடத்தில் கமெனியின் நல்லடக்கத்துடன் இந்நிகழ்வு நிறைவடையும்.

அலி கமேனிக்குப் பின்னர் உச்ச தலைவராக நியமிக்கப்பட்ட அவரது மகன் அயதுல்லா மொஜ்தபா கமேனி, இதுவரை எந்த இறுதிச் சடங்குகளிலும் கலந்துகொள்ளவில்லை.

தன் தந்தையைக் கொன்ற வான்வழித் தாக்குதலில் படுகாயமடைந்ததாகக் கூறப்பட்டதை அடுத்து,  மொஜ்தபா கமேனி தலைமறைவாக இருப்பதாக நம்பப்படுகிறது.

கடந்த காலத்தில் பல முன்னணி ஈரானிய பிரமுகர்களுக்கு அவ்வாறு செய்ததைப் போலவே, அவரையும் கொன்றுவிடுவதாக இஸ்ரேல் அச்சுறுத்தியுள்ளது .

அலி கமேனியின் மற்ற மூன்று மகன்கள் ஞாயிற்றுக்கிழமை நடந்த இறுதிச் சடங்கில் அரிதாகக் கலந்துகொண்டனர்.