பிரான்சில் முதற்கட்டத் தேர்தல்: ஆர்வமாக வாக்களிக்கும் மக்கள்

பிரான்சில் நாடாளுமன்றத் தேர்தலுக்கான முதற்கட்ட வாக்குப்பதிவுகள் நடைபெறுகின்றன.

இன்று ஞாயிற்றுக்கிழமை காலை 8 மணிக்கு பிரான்சின் பிரதான நிலப்பரப்பில் வாக்களிப்பு நிலையங்கள் திறக்கப்பட்டன.

மதியம் 12 மணியளவில் நடைபெற்ற சட்டப்பேரவைத் தேர்தலின் முதல் சுற்றில் 25.9 சதவீத வாக்குகள் பதிவாகியுள்ளதாக உள்துறை அமைச்சகம் தெரிவித்துள்ளது.

முதல் வாக்குப்பதிவு கணிப்புகள் இரவு 8 மணிக்கு எதிர்பார்க்கப்படுகின்றன. ஞாயிற்றுக்கிழமை இரவு அதிகாரப்பூர்வ முடிவுகள் வெளியாகும் என எதிர்பார்க்கப்படுகிறது. 

பிரெஞ்சு வெளிநாட்டின் ஆளுகைக்கு உள்ளான கடல் கடந்த பிரதேசங்களில் உள்ள வாக்காளர்கள் நேற்று சனிக்கிழமை வாக்களித்தனர். 

கடந்த 2022 நாடாளுமன்றத் தேர்தலில் மதியம் 12 மணிக்கு 18.43 சதவீதம் பதிவாகின. இது இந்த ஆண்டை விட  7 சதவீதம் குறைவாக இருந்தது.

கடந்த தேர்தலை விட இந்தத் தேர்தலை தங்களுக்கு முக்கியமானதாக வாக்காளர்கள் கருதுவதாகக் கூறுகிறது.

தீவிர வலதுசாரி தேசிய பேரணி, பிரெஞ்சு ஜனாதிபதி இம்மானுவேல் மக்ரோனின் மையவாத கூட்டணி மற்றும் மத்திய-இடது, பச்சை மற்றும் கடின-இடது சக்திகளால் உருவாக்கப்பட்ட புதிய பாப்புலர் ஃப்ரண்ட் கூட்டணி என தேர்தலில் முக்கியமாக மூன்று தரப்பினர் போட்டியிடுகின்றனர்.

ஐரோப்பிய நிதிச் சந்தைகள், உக்ரைனுக்கான மேற்கத்திய ஆதரவு மற்றும் பிரெஞ்சு அணுசக்தி மற்றும் இராணுவப் படை ஆகிய அனைத்தும் அதன் முடிவுகளால் இ்த்தேர்தல் முடிவுகள் பாதிக்கப்படக்கூடிய சாத்தியமுண்டு. பிரான்சில் இன்று ஞாயிற்றுக்கிழமை முதல் சுற்றும் எதிர்வரும் ஞாயிற்றுக்கிழமை (யூலை 7) இரண்டாவது சுற்றுத் தேர்தலும் நடைபெறும்.

49.5 மில்லியன் பதிவு செய்யப்பட்ட வாக்காளர்கள் வாக்களிக்கின்றனர். பிரான்சின் நாடாளுமன்றத்தின் கீழ் சபையான தேசிய  நடாளுமன்றத்திற்கு 577 உறுப்பினர்களைத் தேர்ந்தெடுப்பார்கள்.  

யூன் மாதம் நடந்த ஐரோப்பிய நாடாளுமன்றத் தேர்தலில் தீவிர வலதுசாரி தேசிய பேரணி வெற்றி பெற்றதைத் தொடர்ந்து  ஜனாதிபதி மக்ரோன் திடீர் தேர்தலுக்கு அழைப்பு விடுத்தார்.