யேர்மனி கொலைக்குற்றவாளி நெதர்லாந்தில் கைது!!

1993 ஆம் ஆண்டு ஒரு இளைஞனைக் கொன்றதற்காக கொலைக் குற்றவாளியின் இறுதி மேல்முறையீட்டில் தோல்வியடைந்ததைத் தொடர்ந்து அந்த யேர்மனி நபர் நெதர்லாந்துக்குத் தப்பி ஓடி ஒளிந்திருந்த நிலையில் அவரைக் காவல்துறையினர் கைது செய்துள்ளனர்.

தப்பி ஓடிய யேர்மன் நபர் நெதர்லாந்தில் இரண்டு நாட்களுக்கும் மேலாக ஒளித்திருந்த நிலையில்  கைது செய்யப்பட்டதாக காவல்துறை மற்றும் சட்டவாளர்கள் இன்று வெள்ளிக்கிழமை தெரிவித்தனர்.

56 வயதான ரால்ஃப் ஹோர்ஸ்டெமியர், ஜேர்மனியில் இருந்து நெதர்லாந்து எல்லைக்கு அருகில் உள்ள என்ஷெட் என்ற இடத்தில் உள்ள அடுக்குமாடி குடியிருப்பில் தங்கியிருந்த நிலையில் நள்ளிரவுக்குப் பிறகு கைது செய்யப்பட்டார்.

கிட்டத்தட்ட மூன்று தசாப்தங்களுக்கு முன்னர் 16 வயதான நிக்கோல் ஷல்லா (Nicole Schalla) வைக் கொன்றதாக சனவரி மாதம் குற்றம் சாட்டப்பட்டு ஆயுள் தண்டனை விதிக்கப்பட்ட ரால்ஃப் ஹோர்ஸ்டெமியர் பற்றிய தகவலுக்கான முறையீட்டை பகிரங்கமாக வெளியிடும் அரிய நடவடிக்கையை புதன்கிழமை யேர்மனிக் காவல்துறையினர் மேற்கொண்டனர். ஜேர்மன் உயர் நீதிமன்றம் சமீபத்தில் தீர்ப்பை உறுதி செய்தது.

ஹோர்ஸ்டெமியர் விமானதில் தப்பித்துச் செல்லும் ஆபத்து இல்லை என்று அதிகாரிகளால் கருதப்பட்டது. அவரது மேல்முறையீடு நிலுவையில் இருந்த நிலையில் அவரை சுதந்திரமாக இருக்க அனுமதிக்கப்பட்டார். கடந்த செவ்வாய்க்கிழமை மாலை தனது கணுக்காலில் கட்டப்பட்ட புவியிட இலத்திரனியல் நாடாவை அகற்றினார்.

புவியிட இலத்திரனியல் நாடா சமீபத்திய இருப்பிடத் தரவின் மதிப்பீடு ஹோர்ஸ்டெமியர் என்ஷெடில் உள்ள குடியிருப்பில் இருக்கலாம் என்ற சந்தேகத்தை உறுதிப்படுத்த உதவியது. அவரது வருங்கால மனைவி பதிவு செய்யப்பட்ட மகிழுந்து முகவரியிலிருந்து சில நூறு மீட்டர் தொலைவில் கண்டுபிடிக்கப்பட்டதாக அதிகாரிகள் தெரிவித்தனர்.

நெதர்லாந்து காவல்துறையினர் அபார்ட்மெண்டிற்கு சென்று தப்பியோடிய நபரையும் அவரது வருங்கால மனைவியையும் கண்டுபிடித்தனர். அவர் கைது செய்யப்பட்டார். மேலும் அந்த பெண்ணிடம் விசாரணை நடைபெற்று வருவதாக அதிகாரிகள் மேலும் தெரிவித்தனர்.