மத்திய லண்டனில் கத்திக்குத்து: நால்வர் காயம்! பெண் ஒருவர் கைது!

மத்திய லண்டனின் கோவன்ட் கார்டன் பகுதியில் நான்கு ஆண்கள் கத்தியால் குத்தப்பட்ட சம்பவத்தைத் தொடர்ந்து, 47 வயதான பெண் ஒருவர் கைது செய்யப்பட்டுள்ளதாக பெருநகர காவல்துறை தெரிவித்துள்ளது.

உள்ளூர் நேரப்படி சுமார் 12:30 மணியளவில் எண்டெல் தெருவில் கத்திக்குத்து சம்பவம் நடந்ததாக வந்த தகவலையடுத்து, அவசர சேவைப் பிரிவினர் வரவழைக்கப்பட்டு, 34, 39, 42 மற்றும் 52 வயதுடைய அந்த ஆண்கள் மருத்துவமனைக்குக் கொண்டு செல்லப்பட்டனர்.

உயிருக்கு அச்சுறுத்தலோ அல்லது வாழ்க்கையை மாற்றக்கூடிய தன்மையோ இல்லாத காயங்களுடன் இருவர் மருத்துவமனையில் தங்கியிருப்பதாகவும், மற்ற இருவர் மருத்துவமனையிலிருந்து டிஸ்சார்ஜ் செய்யப்பட்டுள்ளதாகவும் காவல்துறை தெரிவித்துள்ளது.

தாக்குதல் ஆயுதம் வைத்திருந்ததாகவும், தாக்குதல் நடத்தியதாகவும் சந்தேகத்தின் பேரில் அந்தப் பெண் கைது செய்யப்பட்டார். இது மனநலம் தொடர்பான சம்பவம் என நம்பப்படுவதாக பெருநகர காவல்துறை தெரிவித்துள்ளது.