ஈரான் மீது அமெரிக்க ராணுவம் புதிய தாக்குதல்களைத் தொடுத்தது

ஈரானுக்கு எதிராகப் புதிய தாக்குதல்களைத் தொடுத்தாக அமெரிக்க இராணுவம் அறிவித்துள்ளது.

ஹோர்முஸ் ஜலசந்தியைக் கடந்து சென்ற மூன்று வர்த்தகக் கப்பல்கள் மீது ஈரான் நடத்திய தாக்குதல்களுக்குப் பதிலடியாகவே இந்தத் தாக்குதல்கள் நடத்தப்பட்டதாக இராணுவம் தெரிவித்துள்ளது.

அமெரிக்க மத்திய கட்டளைப் பிரிவின் (CENTCOM) கூற்றுப்படி, ஈரான் ஒரு சர்வதேச நீர்வழியில் வர்த்தகக் கப்பல்களைக் குறிவைத்துத் தாக்குவதன் மூலம் பெரும் இழப்புகளை ஏற்படுத்துவதே இந்தத் தாக்குதல்களின் நோக்கமாக இருந்தது.

ஈரானின் வெளிப்படுத்தப்பட்ட ஆக்கிரமிப்பு தேவையற்றது. ஆபத்தானது மற்றும் போர் நிறுத்தத்தின் தெளிவான மீறலாகும் என்று சென்ட்காம் தனது எக்ஸ் தளத்தில் தெரிவித்துள்ளது.

பந்தர் அப்பாஸின் கிழக்கு மற்றும் மேற்குப் பகுதிகளில் வெடிச்சத்தங்கள் கேட்டதாக ஈரானிய அரசு ஊடகங்கள் செய்தி வெளியிட்டுள்ளன.

வணிக மற்றும் மீன்பிடித் தளங்கள் மீது குண்டுகள் தாக்கியதாகக் கூறியதைத் தொடர்ந்து, சிரிக் துறைமுகத்தில் பல வெடிப்புகள் நிகழ்ந்ததாக ஈரானிய ஊடகங்களும் செய்தி வெளியிட்டுள்ளன.