ஈரான் மீது சக்திவாய்ந்த தாக்குதல்களை நடத்தியது அமொிக்கா

தெற்கு ஈரான் முழுவதும் தொடர் இராணுவத் தாக்குதல்களைத் அமெரிக்கா தொடங்கியது என அமெரிக்க மத்திய கட்டளைப் பிரிவு அறிவித்தது. 

ஜோர்டானில் உள்ள அமெரிக்கப் படைகள் மீதான தாக்குதல் முயற்சிகளுக்கு எதிரான ஒரு சக்திவாய்ந்த பதிலடி என்று இந்த நடவடிக்கையை அது விவரித்தது. 

ஈரானிய ஏவுகணைகள் ஒரு அமெரிக்கத் தளத்தைக் குறிவைத்ததற்கும், வான்வழி நடவடிக்கைகளில் ஏற்பட்ட ஒரு சிறிய இடைநிறுத்தத்திற்கு முற்றுப்புள்ளி வைத்ததற்கும் நேரடிப் பதிலடியாகவே இந்தத் தாக்குதல்கள் அமைந்தன என்று அமெரிக்க அதிபர் டொனால்ட் டிரம்ப் கூறினார். 

இந்தத் தாக்குதல்கள் குசெஸ்தான், ஃபார்ஸ் மற்றும் ஹோர்மோஸ்கான் மாகாணங்கள் முழுவதும் உள்ள அஹ்வாஸ், அபாடன், கஸெரூன் மற்றும் பந்தர் அப்பாஸ், கெஷ்ம், கிஷ் தீவு ஆகிய கடலோர மையங்கள் உட்பட பல முக்கிய மற்றும் நகர்ப்புற இடங்களைத் தாக்கின.

இந்த வான்வழி மற்றும் ஏவுகணைத் தாக்குதல்கள் பல ஈரானிய நகரங்களில் உள்ளூர் உள்கட்டமைப்பு சேதங்களையும் உயிரிழப்புகளையும் ஏற்படுத்தின. 

கெஷ்மில், மின்சாரக் கட்டமைப்பு மீதான தாக்குதல்கள் தற்காலிக மின்வெட்டை ஏற்படுத்தின. பின்னர், பழுதுபார்க்கும் குழுவினர் மின்சாரத்தை மீட்டெடுத்தனர். அதே நேரத்தில், சா-டாங்கோ பகுதியில் சேதமடைந்த குடியிருப்பு கட்டிடத்தின் இடிபாடுகளுக்கு அடியில் சிக்கியிருந்த 2 பேரை அவசரகாலக் குழுக்கள் மீட்கும் பணியில் ஈடுபட்டன. 

பின்னர், காயமடைந்த 2 பேரை உள்ளூர் மருத்துவமனைக்கு மாற்றினர். ஈரானின் ஒரே அணுமின் நிலையம் அமைந்துள்ள புஷேர் அருகேயும், ஷாதேகன், அர்வந்த்கேனார் மற்றும் அபு மூசா உள்ளிட்ட தீவுப் பகுதிகளிலும் வெடிப்புகள் நிகழ்ந்ததாக அரசு ஊடகங்கள் செய்தி வெளியிட்டன.

ஜோர்டானில் உள்ள ஒரு அமெரிக்கத் தலைமையகம் மற்றும் விமானத்தளத்தைத் தாக்கியதாகப் பொறுப்பேற்ற இஸ்லாமியப் புரட்சிகரக் காவலர் படையின் (IRGC) பதற்றத்தை கடுமையாக அதிகரித்ததைத் தொடர்ந்து இந்த அமெரிக்க இராணுவ நடவடிக்கை மேற்கொள்ளப்பட்டது. 

ஈரானின் அனுமதியின்றி ஹோர்முஸ் நீரிணையைக் கடக்க முயன்ற 3 எண்ணெய் கப்பல்களையும் IRGC கடற்படை குறிவைத்தது தாக்குதல் நடத்தியது. 

அதே நேரத்தில், ஈராக்கில் நடந்த ஒரு தனி அமெரிக்க-சவுதி கூட்டுத் தாக்குதலில் 4 IRGC உறுப்பினர்கள் உயிரிழந்தனர். 

நீரிணையில் கண்ணிவெடிகளை அகற்றும் ஓமானின் திட்டங்களை ஈரான் தொடர்ந்து நிராகரித்து வரும் நிலையில், இந்த புதிய சுற்று குண்டுவீச்சுகள் இரு நாடுகளையும் தொடர்ச்சியான பதற்றச் சுழற்சியில் சிக்க வைக்கும் அபாயத்தை ஏற்படுத்துவதாக இராணுவ ஆய்வாளர்கள் எச்சரித்தனர்.