ஈராக்கில் தாக்குதல் நிகழக்கூடும் : அமெரிக்கர்களை வெளியேறுமாறு எச்சரிக்கை!

ஈராக்கின் தலைநகர் பாக்தாத்தில் 24 மணி தொடக்கம் 48 மணி நேரத்திற்குள் ஆயுதக் குழுக்களின் தாக்குதல்கள் நிகழக்கூடும் என அமெரிக்க தூதரகம் எச்சரித்துள்ளது.

அடுத்த 24-48 மணி நேரத்தில் மத்திய பாக்தாத்தில் தாக்குதல்களை ஈராக்கில் உள்ள ஈரான் ஆதரவு ஆயுதக் குழுக்கள் நடத்தத் திட்டமிட்டிருக்கலாம் என்று ஈராக்கில் உள்ள அமெரிக்கத் தூதரகம் ஓர் அறிக்கையை வெளியிட்டுள்ளது.

சாத்தியமான இலக்குகளாக அமெரிக்கக் குடிமக்கள், வணிக நிறுவனங்கள், பல்கலைக்கழகங்கள், தூதரக வசதிகள், எரிசக்தி உள்கட்டமைப்பு, ஹோட்டல்கள், விமான நிலையங்கள் மற்றும் அமெரிக்காவுடன் தொடர்புடையதாகக் கருதப்படும் பிற இடங்கள், அத்துடன் ஈராக்கிய நிறுவனங்கள் மற்றும் பொதுமக்கள் இலக்குகள் ஆகியவற்றை அது பட்டியலிடுகிறது.

இரண்டு நாட்களுக்கு முன்பு பாக்தாத்தில் அமெரிக்கப் பத்திரிகையாளர் ஒருவர் கடத்தப்பட்டதாக வந்த செய்திகளைத் தொடர்ந்து, ஆயுதக் குழுக்கள் அமெரிக்கர்களைக் கடத்துவதற்காகக் குறிவைத்துள்ளன என்று தூதரகம் குறிப்பிடுகிறது .

அமெரிக்கக் குடிமக்கள் உடனடியாக ஈராக்கை விட்டு வெளியேற வேண்டும் எனத் தூதரகம் எச்சரித்தது.