அமெரிக்கா, ஈரானிய ஏவுகணைத் தளங்கள் மீது 'பங்கர் தகர்ப்பு' குண்டுகளை வீசித் தாக்கியது

ஈரானின் ஹோர்முஸ் ஜலசந்திக்கு அருகிலுள்ள ஈரானிய ஏவுகணைத் தளங்கள் மீது , ஆழமாக ஊடுருவும் 'பங்கர் பஸ்டர்' குண்டுகளைப் பயன்படுத்தித் தாக்குதல் நடத்தியதாக அமெரிக்க இராணுவம் தெரிவித்தது .

ஹோர்முஸ் நீரிணைக்கு அருகிலுள்ள ஈரானின் கடற்கரையோரம் அமைந்துள்ள, ஈரானின் பலப்படுத்தப்பட்ட ஏவுகணைத் தளங்கள் மீது, அமெரிக்கப் படைகள் 5,000 பவுண்டு எடை கொண்ட பல ஆழ்துளை ஏவுகணைகளை வெற்றிகரமாகப் பயன்படுத்தின என்று அமெரிக்க இராணுவத்தின் பிராந்தியத் தலைமையகமான அமெரிக்க மத்திய கட்டளை மையம் (CENTCOM) X தளத்தில் வெளியிட்ட அறிக்கையில் தெரிவித்துள்ளது.

இந்த தளங்களில் உள்ள ஈரானின் கப்பல் எதிர்ப்பு குரூஸ் ஏவுகணைகள், ஜலசந்தியில் சர்வதேச கப்பல் போக்குவரத்திற்கு அச்சுறுத்தலாக இருந்தன.

அமெரிக்க ஆயுதக் களஞ்சியத்திலேயே மிகவும் சக்திவாய்ந்தவையாகக் கருதப்படும் இந்த சிறப்பு வெடிமருந்துகள், பலப்படுத்தப்பட்ட தளங்கள் அல்லது நிலத்தடி பதுங்கு குழிகளுக்கு எதிராகப் பயன்படுத்தப்படுகின்றன.

அமெரிக்கா மற்றும் இஸ்ரேலுடன் தொடரும் மோதலுக்கு மத்தியில், கப்பல்களைத் தாக்குவோம் என ஈரான் விடுத்த அச்சுறுத்தல்களைத் தொடர்ந்து, அந்த நீர்வழிப்பாதை வழியாகக் கப்பல் போக்குவரத்து பெருமளவில் முடங்கியுள்ள நிலையில் இந்தத் தாக்குதல்கள் நடைபெற்றுள்ளன.

உலகளாவிய எண்ணெய் வர்த்தகத்தில் ஐந்தில் ஒரு பங்கிற்குப் போக்குவரத்து மையமாக விளங்கும் ஜலசந்தி வழியாகச் செல்லும் போக்குவரத்து மூடப்பட்டதால், எண்ணெய் விலைகள் கடுமையாக உயர்ந்துள்ளன .