லெபனான் மனிதாபிமானப் பேரழிவின் உண்மையான அபாயத்தில் இருக்கிறது - ஐ.நா

லெபனான் மனிதாபிமானப் பேரழிவின் உண்மையான அபாயத்தில் இருப்பதாக ஐ.நா. தெரிவித்துள்ளது.

லெபனான் ஆழமடைந்து வரும் மனிதாபிமான நெருக்கடியை எதிர்கொண்டுள்ளது என்றும், அது தற்போது ஒரு பேரழிவாக மாறும் அபாயத்தில் உள்ளது என்றும் ஐ.நா அகதிகள் அமைப்பு (UNHCR) எச்சரித்துள்ளது.

நிலைமை மிகவும் கவலையளிப்பதாகவே உள்ளது, மேலும் ஒரு மனிதாபிமானப் பேரழிவு ஏற்படுவதற்கான அபாயம் உண்மையானது. என்று லெபனானில் உள்ள அந்த அமைப்பின் பிரதிநிதியான கரோலினா லிண்ட்ஹோம் பில்லிங், பெய்ரூட்டிலிருந்து ஜெனீவாவில் செய்தியாளர்களிடம் பேசுகையில் கூறினார்.

ஐ.நா. அகதிகள் ஆணையத்தின்படி, மார்ச் 2 முதல், பத்து இலட்சத்திற்கும் அதிகமான மக்கள் அதாவது குடியிருப்பாளர்களில் ஐந்தில் ஒருவர் தங்கள் வீடுகளை விட்டு வெளியேற நிர்பந்திக்கப்பட்டுள்ளனர். மேலும் பாலங்கள் அழிக்கப்பட்டதால் சுமார் 1,50,000 மக்கள் தனிமைப்படுத்தப்பட்டுள்ளனர்.

சமீபத்திய நாட்களில், இஸ்ரேலிய வான்வழித் தாக்குதல்கள் லிட்டானி ஆற்றின் மீதான பெரும்பாலான பாலங்களை அழித்துள்ளன. இதனால் தெற்கு லெபனானின் பெரும் பகுதிகள் நாட்டின் மற்ற பகுதிகளிலிருந்து துண்டிக்கப்பட்டுள்ளன.

இஸ்ரேல், அமெரிக்கா மற்றும் ஈரான் ஆகியவற்றுக்கு இடையேயான ஒரு பரந்த போரின் பின்னணியில், இஸ்ரேலுக்கும் ஹிஸ்புல்லாவுக்கும் இடையேயான இந்தப் புதுப்பிக்கப்பட்ட போர் நடைபெற்று வருகிறது.

தெற்கு லெபனானில் ஒரு இடைநிலைப் பாதுகாப்பு மண்டலத்தை அமைப்பது குறித்து பரிசீலித்து வருவதாக இஸ்ரேல் தெரிவித்துள்ளது.