விமான நிலையத்தில் 500 மில்லியன் ரூபாய் மதிப்புள்ள குஷ் கஞ்சாவுடன் மூன்று இந்தியர்கள் கைது

கட்டுநாயக்க விமான நிலையத்தில் இன்று செவ்வாய்க்கிழமை  (06) 500 மில்லியன் ரூபா மதிப்புள்ள "குஷ்" என்ற போதைப்பொருள் கைப்பற்றப்பட்டுள்ளது.

இன்றைய தினம் காலை விமான நிலைய வருகை முனையத்தில் உள்ள 'கிரீன் செனல்' வழியாக தப்பிச் செல்ல முயன்ற மூன்று வெளிநாட்டு பயணிகள் குஷ்  போதைப்பொருளுடன் சுங்க போதைப்பொருள் ஒழிப்பு பிரிவினரால் கைது செய்யப்பட்டுள்ளனர்.

கைது செய்யப்பட்டவர்கள் இந்தியாவின் மும்பையைச் சேர்ந்த இரண்டு பெண்கள் மற்றும் ஒரு ஆண் எனவும்  27 வயதுடைய அந்த நபர் மும்பையில் உள்ள ஒரு தொலைபேசி பரிமாற்ற நிலையத்தில் பணிபுரிபவர் என்றும், 25 மற்றும் 31 வயதுடைய இரண்டு பெண்களும் மும்பையில் பணிபுரியும் பாடசாலை ஆசிரியர்கள் எனவும்  தெரியவந்துள்ளது.

இரண்டு பெண்களில் ஒருவர் கைது செய்யப்பட்ட நபரை மணந்தவர் என்றும், மற்றவர் அவரது சகோதரி என்றும் கூறப்படுகிறது.

சுங்க அதிகாரிகள் நடத்திய முதற்கட்ட விசாரணையில், 

போதைப்பொருள் கடத்தல்காரர்கள் பாங்காக்கிற்கு பயணம் செய்வதாக உறுதியளித்து கட்டுநாயக்க விமான நிலையத்திற்கு போதைப்பொருள் தொகுதியை அனுப்பியதாக தெரியவந்துள்ளது.

தாய்லாந்தின் பாங்காக்கில் இருந்து இலங்கை ஏர்லைன்ஸ் விமானம் UL 403 மூலம் இன்று காலை 11.07 மணிக்கு கட்டுநாயக்க விமான நிலையத்தை வந்தடைந்துள்ளனர்.

இந்த குஷ் போதைப்பொருளின் 50 கிலோகிராம் 01 கிலோவிற்கும் அதிகமான எடையும் 100 கிராமுக்கும் அதிகமான எடையும் கொண்ட 03 பயணப்பைகளில் மறைத்து வைக்கப்பட்டிருந்த நிலையில் கைப்பற்றப்பட்டுள்ளது.

கைப்பற்றப்பட்ட போதைப்பொருள் பொதியையும், அவற்றைக் கொண்டு வந்த மூன்று இந்தியர்களையும் மேலதிக விசாரணைக்காக கட்டுநாயக்க விமான நிலைய பொலிஸ் போதைப்பொருள் ஒழிப்பு பணியகத்திடம் ஒப்படைக்க நடவடிக்கை எடுக்கப்பட்டுள்ளது.

இதற்கிடையில், கட்டுநாயக்க விமான நிலையத்தில் கைப்பற்றப்பட்ட மிகப்பெரிய அளவிலான போதைப்பொருள், கடந்த ஆண்டு வெசாக் பௌர்ணமி  நாளில் பிரிட்டிஷ் விமானப் பணிப்பெண் ஒருவர் கொண்டு வந்த 46 கிலோகிராம் 'குஷ்' என்று முன்னர் தெரிவிக்கப்பட்டது.

மேலும், இந்த போதைப்பொருள் கடத்தல் குறித்து பொலிஸார் மேலதிக விசாரணைகளை மேற்கொண்டு வருகின்றனர்.