இஸ்மாயில் ஹனியே யார்?

இஸ்மாயில் ஹனியே 1962 ஆண்டு காசா அகதிகள் முகாமில் பிறந்தார் மற்றும் ஐக்கிய நாடுகளின் சபையால் இயக்கும் பள்ளியில் கல்வி பயின்றார். 

அவர் 1987 ஆண்டு இஸ்ரேலுக்கு எதிரான முதல் இன்டிபாடா என்று அழைக்கப்படும் ஒரு பெரிய கிளர்ச்சிப் போராட்டத்தில்  ஹமாசுடன் இணைந்தார்.

அவர் இஸ்ரேலால் பல முறை சிறையில் அடைக்கப்பட்டார்.

2003 இல், ஹமாஸின் நிறுவனருடன் சேர்ந்து இஸ்ரேலின் படுகொலை முயற்சியில் இருந்து தப்பினார்.

2006 சட்டமன்றத் தேர்தலில் ஹமாஸ் பெரும்பான்மை இடங்களை வென்ற பின்னர் ஹனியே பாலஸ்தீனிய அதிகாரத்தின் பிரதமராக ஜனாதிபதி மஹ்மூத் அப்பாஸால் நியமிக்கப்பட்டார்.

இருப்பினும், காசா பகுதியில் இருந்து தனது ஃபத்தா கட்சியை வெளியேற்றுவதற்காக ஹமாஸ் மோதல்களைக் கட்டவிழ்த்துவிட்டபோது அப்பாஸ் அவரை பதவி நீக்கம் செய்ய முயன்றார். 

ஹனியே பதவி விலக மறுத்தார் மற்றும் காசா பகுதியைத் தொடர்ந்து ஆட்சி செய்தார். அதே நேரத்தில் ஃபத்தா ஆக்கிரமிக்கப்பட்ட மேற்குக் கரைக்கு பொறுப்பாக இருந்தார்.

ஹனியே 2016 ஆண்டு கத்தாருக்கு நாடுகடத்தப்பட்டார். 2017 ஆண்டு கலீத் மஷாலுக்குப் பின்னர் ஹமாஸின் அரசியல் பணியகத்தின் தலைவராகத் தேர்ந்தெடுக்கப்பட்டார்.

60 வயதான இஸ்மாயில் ஹனியே 2006 இல் பாலஸ்தீனப் பிரதமராகப் பதவிவகித்தபோது, ​​விஷம் தடவிய கடிதத்தை  அவருக்கு அனுப்பி கொல்ல சதி திட்டம் தீட்டப்பட்டது. ஆனாவ், அதிலிருந்து அவர் தப்பிவிட்டார். தற்போது, கத்தாரிலும் துருக்கியிலும் வாழ்ந்து வருகிறார். இந்நிலையில் அவர் ஈரானின் தலைநகரில் வைத்து கொல்லப்பட்டார்.

அக்டோபர் 7 ஆம் திதி இஸ்ரேலிய குடிமக்கள் மீது ஹமாஸ் தாக்குதலைத் தொடர்ந்து இஸ்ரேல் அவரைக் கொன்றுவிடுவதாக உறுதியளித்தது.

இஸ்மாயில் ஹனியேவின் மனைவி மற்றும் மூன்று மகன்கள் மற்றும் பேரப்பிள்ளைகளை இஸ்ரேல் ஹாசாவில் வைத்து வான் தாக்குதல்கள் மூலம் கொன்றார்கள். தற்போது இஸ்மாயில் ஹனியே குடும்பத்தில் ஒரு மருமகள் மட்டுமே உயிருடன் வாழுகிறார்.

ஹமாஸ் போராளிக் குழுவை இஸ்ரேல், அமெரிக்கா மற்றும் ஜெர்மனி உள்ளிட்ட பல நாடுகளால் பயங்கரவாத அமைப்பாக அறிவிக்கப்பட்டுள்ளது.