தென்கொரியாவில் மின்கல ஆலையில் விபத்து: 22 பேர் பலி!!

தென்கொரியாவில் லித்தியம் மின்கலம் (Battery) தயாரிக்கும் ஆலையில் ஏற்பட்ட தீ விபத்தில் குறைந்தது 22 பேர் உயிரிழந்தனர். தீ விபத்து ஏற்பட்ட போது வேலை செய்து கொண்டிருந்த 100 பேரில் மேலும் எட்டு பேர் காயமடைந்தனர். இருவர் படுகாயமடைந்தனர்.

தலைநகர் சியோலுக்கு தெற்கே 45 கிலோ மீற்றர் தொலைவில் உள்ள ஹ்வாசோங் நகரில் உள்ள அரிசெல் ஆலையில் திங்கள்கிழமை காலை தீ விபத்து ஏற்பட்டது.

தீயணைப்பு வீரர்கள் தீயை அணைக்க முயன்றபோது பெரிய புகை மேகங்கள் மற்றும் சிறிய வெடிப்புகள் கிளம்புவதை உள்ளூர் தொலைக்காட்சி காட்சிகள் காட்டுகின்றன. மேற்கூரையின் ஒரு பகுதி இடிந்து விழுந்தது.

தென் கொரியா லித்தியம் பேட்டரிகளை தயாரிப்பதில் முன்னணியில் உள்ளது இது மின்சார வாகனங்கள் முதல் மடிக்கணினிகள் வரை பல பொருட்களில் மின்கலங்களைப் பயன்படுத்தப்படுகிறது.

இறந்தவர்களில் 18 சீனர்கள், ஒரு லாவோஷியன் மற்றும் இரண்டு தென் கொரிய தொழிலாளர்கள் உறுதி செய்யப்பட்டுள்ளது. மேலும் ஒருவரைக் காணவில்லை. பெரும்பாலான உடல்கள் மோசமாக எரிக்கப்பட்டுள்ளன இதனால் அடையாளம் காணுப்போது காலஅவகாசம் ஏற்படும் என அறிவிக்கப்பட்டுள்ளது.

ஏரிசெல் தொழிற்சாலை அதன் இரண்டாவது மாடியில் 35,000 மின்கலங்களின் செல்கள் இருப்பதாக மதிப்பிடப்பட்டுள்ளது. அங்கு மின்கலங்கள் பரிசோதிக்கப்பட்டு பொதி செய்யப்பட்டன. மேலும் வேறு இடங்களில் சேமிக்கப்பட்டன. மின்கலங்களின் செல்கள் வெடித்தபோது தீ தொடங்கியது. ஆனால் ஆரம்ப வெடிப்புகளைத் தூண்டியது எது என்பது தெளிவாகத் தெரியவில்லை.

எதனால் தீப்பிடித்தது என்பது இன்னும் தெளிவாகத் தெரியவில்லை. லித்தியம் பேட்டரிகள் சேதமடைந்தாலோ அல்லது அதிக வெப்பம் ஏற்பட்டாலோ அவை வெடிக்கும் அபாயம் உள்ளது.

லித்தியம் தீயானது தண்ணீருடன் தீவிரமாக வினைபுரியும் என்பதால், தீயை அணைக்க தீயணைப்பு வீரர்கள் உலர்ந்த மணலைப் பயன்படுத்த வேண்டியிருந்தது என சுட்டிக்காட்டத்தக்கது.