இஸ்ரேல் இராணுவத் தாக்குதலை நிறுத்த வேண்டும்: சர்வதேச நீதிமன்றம் உத்தரவு

ஐ.நாவின் உயர் நீதிமன்றமான சர்வதேச நீதிமன்றம் (ICJ) ஒரு அதிரடியான தீர்ப்பை வழங்கியது. காசா நிலப்பரப்பில் எகிப்து எல்லை நகரான ரஃபா மீது இஸ்ரேல் இராணுவம் நடத்தும்  தாக்குதலை உடனடியாக நிறுத்துமாறு இஸ்ரேலுக்கு உத்தரவிட்டுள்ளது.

காசாவின் நிலைமையை மேம்படுத்த நடவடிக்கை எடுக்குமாறு இஸ்ரேலுக்கு நீதிமன்றம் கடந்தமுறை உத்தரவிட்டதிலிருந்து நிலைமை மோசமடைந்துள்ளது என சர்வதேச நீதிமன்றத்தின் தலைமை நீதிபதி நவாப் சலாம் கூறினார்.

காசாவில் ஹமாஸ் மற்றும் பிற ஆயுதக் குழுக்களால் இஸ்ரேலிய பணயக்கைதிகள் இன்னும் தடுத்து வைக்கப்பட்டிருப்பது ஆழ்ந்த கவலைக்குரியது என்று நீதிபதி சலாம் கூறினார். மேலும் அவர்களை உடனடியாக மற்றும் நிபந்தனையின்றி விடுவிக்க அழைப்பு விடுத்தார்.

இஸ்ரேல் இந்த குற்றச்சாட்டை கடுமையாக மறுத்துள்ளதுடன், அதன் நீதிமன்றத்தின் எந்த உத்தரவையும் புறக்கணிப்பதாக சமிக்ஞை செய்துள்ளது.

இஸ்ரேல் உடனடியாக அதன் இராணுவத் தாக்குதலை நிறுத்த வேண்டும். மேலும் ரஃபா கவர்னரேட்டில் பாலஸ்தீனியர்களின் உயிரிழப்பைக் கொண்டு வரக்கூடிய வேறு எந்த நடவடிக்கையும் சர்வதேச சட்டத்தின் கீழ் இனப்படுகொலை என்பதைக் குறிக்கிறது என நேற்று வெள்ளிக்கிழமை நீதிமன்றத்தின் தீர்ப்பைப் தலைமை நீதிபதி நவாஃப் சலாம் வாசித்தார்.

இனப்படுகொலை குற்றச்சாட்டுகளை விசாரிக்கும் எந்தவொரு ஐ.நா அமைப்புக்கும் காசாவிற்கு தடையின்றி அணுகலை இஸ்ரேல் அனுமதிக்க வேண்டும் என்று கூறினார்.

காசாவிற்கான அடிப்படை சேவைகள் மற்றும் மனிதாபிமான உதவிகளை தடையின்றி வழங்குவதற்கு இஸ்ரேலுக்கு ஒரு தேவையை இந்த தீர்ப்பு மீண்டும் வலியுறுத்தியது.

காசாவில் மனிதாபிமான நிலைமை இப்போது பேரழிவு தரக்கூடியதாக உள்ளது என்று தீர்ப்பு கூறியது.

நீதிமன்றத்தின் தீர்ப்பை நிராகரித்த இஸ்ரேல், காசாவில் தனது இராணுவத் தாக்குதல் சர்வதேச சட்டத்திற்கு உட்பட்டது என்று கூறியது.

பாலஸ்தீனிய குடிமக்களை முழுவதுமாகவோ அல்லது பகுதியாகவோ அழிக்கக்கூடிய வாழ்க்கை நிலைமைகளை உருவாக்கும் ரஃபா பகுதியில் இஸ்ரேல் இராணுவ நடவடிக்கைகளை மேற்கொள்ளவில்லை மற்றும் மேற்கொள்ளாது என்று தேசிய பாதுகாப்பு ஆலோசகர் Tzachi Hanegbi வெளிநாட்டினருடன் ஒரு கூட்டறிக்கையில் தெரிவித்தார். 

போர் கேபினட் அமைச்சர் பென்னி காண்ட்ஸ், இஸ்ரேல் தனது தாக்குதலை எங்கு வேண்டுமானாலும் எப்போது வேண்டுமானாலும் ரஃபா உட்பட தொடரும் என்றார்.

இதற்கிடையில், ஐ.நா.வுக்கான பாலஸ்தீன தூதர் ரியாத் மன்சூர், தீர்ப்பை வரவேற்றார். இஸ்ரேல் அதைக் கடைப்பிடிக்க வேண்டும் என்று அழைப்பு விடுத்தார்.

ஐசிஜேயின் தீர்மானங்கள் தயக்கமின்றி செயல்படுத்தப்படும் என்று நாங்கள் எதிர்பார்க்கிறோம் என்று அவர் கூறினார். 

தெற்கு காஸா நகரமான ரஃபாவில் இராணுவத் தாக்குதலை நிறுத்துமாறு இஸ்ரேலுக்கு ஐ.நா. உயர் நீதிமன்றம் வழங்கிய உத்தரவுக்கு இணங்க வேண்டும். உத்தரவுகள் கட்சிகளுக்குக் கட்டுப்பட்டு, அவை முழுமையாகவும் திறம்படவும் செயல்படுத்தப்பட வேண்டும் என்று ஐரோப்பிய ஒன்றியத்தின் உயர்மட்ட இராஜதந்திரி ஜோசப் பொரெல் கூறியுள்ளார்.

உதவி நிறுவனங்களும் ஐ.நா.வும் காசாவில் உள்ள மக்களுக்கு போதிய அளவு உதவிகள் சென்றடைவதில்லை என்று கூறுகின்றன.

அங்குள்ள ஆபத்தான சூழ்நிலை காரணமாக செவ்வாய்க்கிழமை ரஃபாவில் உணவு விநியோகத்தை ஐ.நா நிறுத்தியது. மனிதாபிமான உதவிகள் காசாவிற்குள் செல்வதற்கு உறுதிப்படுத்த விரிவான முயற்சிகளை மேற்கொண்டுள்ளதாக இஸ்ரேல் கூறுகிறது.

இஸ்ரேலிய எதிர்க்கட்சித் தலைவர் Yair Lapid தீர்ப்பை விமர்சித்தார். ICJ அவர்கள் ரஃபா மீதான குண்டுவீச்சை பிணைக்கைதிகளின் விடுதலையுடன் இணைக்கவில்லை என்பது மோசமான தார்மீக தோல்வி என்று கூறினார்.

தென்னாப்பிரிக்காவின் வெளியுறவுத் துறைத் தலைவர் ஜேன் டாங்கோர் இது ஒரு அடிப்படைத் தீர்ப்பு என்று அழைத்தார். காசாவின் ஒரு பகுதியில் நடவடிக்கையை நிறுத்துமாறு இஸ்ரேலுக்கு நீதிமன்றம் ஒரு வெளிப்படையான உத்தரவை வழங்கியது இதுவே முதல் முறை என்று குறிப்பிட்டார்.

கொடூரமான சியோனிச அமைப்பு [இஸ்ரேல்] ரஃபாவில் அதன் ஆக்கிரமிப்பை நிறுத்த வேண்டும் என்று கூறிய முடிவை வரவேற்பதாக ஹமாஸ் கூறியது.

தீர்ப்பு வழங்கப்பட்ட சில நிமிடங்களுக்குப் பிறகு, இஸ்ரேல் போர் விமானங்கள் ரஃபாவின் மையத்தில் உள்ள ஷபூரா முகாம் மீது தொடர்ச்சியான வான்வழித் தாக்குதல்களை நடத்தின.

இஸ்ரேல் மூன்று வாரங்களுக்கு முன்பு ரஃபாவில் நீண்டகாலமாக எதிர்பார்க்கப்பட்ட தாக்குதலைத் தொடங்கியது. அங்கு எஞ்சியுள்ள ஹமாஸ் பட்டாலியன்களை அழிப்பதாக உறுதியளித்தது. நகரத்தில் இஸ்ரேலிய பணயக்கைதிகளும் அடைக்கப்பட்டிருப்பதாக நம்புவதாக அது கூறுகிறது.

தாக்குதல் தொடங்கியதில் இருந்து 800,000க்கும் மேற்பட்ட பாலஸ்தீனியர்கள் ரஃபாவில் இருந்து உயிரைக் காப்பாற்ற தப்பி ஓடிவிட்டனர்.  காஸாப் போரைத் தொடர்ந்து சுமார் 1.5 மில்லியன் மக்கள் அங்கு தஞ்சமடைந்துள்ளனர்.

காசாவில் இஸ்ரேல் இனப்படுகொலை செய்வதாகக் கூறி, டிசம்பரில் ICJ-க்கு தென்னாப்பிரிக்காவால் தொடரப்பட்ட வழக்கின் ஒரு பகுதியே இந்த விசாரணை. அந்த வழக்கு நடந்து வருகிறது என்பது இங்கு குறிப்பிடத்தக்கது,

அக்டோபர் 7 ஆம் திகதி இஸ்ரேலைத் தாக்குதலைத் தொடுத்த ஹமாஸ் பேராளிகள் சுமார் 1,200 இஸ்ரேல் மற்றும் வெளிநாட்டு நபர்களைக் கொன்றது. அத்துடன் 252 பேரை பணயக்கைதிகளாக காசாவிற்கு அழைத்துச் சென்றது. இதனைத் தொடர்ந்து பிணைக் கைதிகளை மீட்கவும் ஹமாஸின் ஆயுததாரிகள் ஒழிக்கவும் எனக் கூறிகொண்டு இஸ்ரேல் படைகள் காசாவில் தாக்குதலைத் தொடங்கினர்.

இஸ்ரேலின் இத்தாக்குதலில் குறைந்தது 35,800 பாலஸ்தீனியர்கள் கொல்லப்பட்டுள்ளனர். என்பது சுட்டுக்காட்டத்தக்கது.