200 தொன் உதவிப் பொருட்களுடன் காசா நோக்கிச் செல்லும் கப்பல்!!

200 தொன் உதவிப் பொருட்களை ஏற்றிக் கொண்டு ஒரு கப்பல் காசா கடற்கரையை நோக்கி வருகிறது இது சைப்ரஸிலிருந்து புதிய கடல் விநியோக வழியைத் திறந்து வைக்கிறது. இது இஸ்ரேலுக்கும் ஹமாஸுக்கும் இடையிலான போரில் ஐந்து மாதங்களுக்குள் மனிதாபிமான நெருக்கடியைத் தணிக்க கூடுதல் உதவியைக் கொண்டுவரும் நோக்கம் கொண்டது.

ஸ்பெயினின் உதவிக் குழுவான ஓபன் ஆர்ம்ஸால் நிர்வகிக்கப்படும் கப்பல் கடந்தசெவ்வாயன்று சைப்ரஸிலிருந்து புறப்பட்டது. இது பிரபல சமையல்காரர் ஜோஸ் ஆண்ட்ரேஸால் நிறுவப்பட்ட தொண்டு நிறுவனமான வேர்ல்ட் சென்ட்ரல் கிச்சன் அனுப்பிய உணவு நிரப்பப்பட்ட சரக்குகளை ஏற்றிச் சென்றது. இந்த உணவுகள் இன்று வெள்ளிக்கிழமை காலை காசாவின் கரையோரத்தில் சென்றடையும் எனக் குறிப்பிடப்பட்டுள்ளது.

இஸ்ரேலுக்கும் ஹமாஸுக்கும் இடையே ஐந்து மாத காலப் போருக்குப் பிறகு காஸாவுக்குள் கூடுதல் உதவிகளை வழங்குமாறு இஸ்ரேல் அழுத்தம் அதிகரித்து வருகிறது. வடக்கு காசாவின் தனிமைப்படுத்தப்பட்ட பகுதிக்கு வான்வழிப் பொருட்களை அனுப்புவதில் அமெரிக்கா, பிரான்ஸ், ஜோர்டான் மற்றும் எகிப்பு வழங்கிய நிலையில் அமெரிக்கா கடல் வழயில் மிதக்கும் துறைமுகத்தை அமைத்து உணவு விநியோகங்களை வழங்கவுள்ளது. இதற்காக 1000 அமெரிக்கத் துருப்புகள் காசாவை சென்றடைவுள்ளனர். வான்வழியாக வழங்கப்படும் உணவுகளைப் பெறும் மக்கள் மீது இஸ்ரேஸ் தொடர்ச்சியாக தாக்குதல்களை நடத்தி மக்களைக் கொன்று வருகிறது.