இம்ரான் கானுக்கு பிணை வழங்கியது நீதிமன்றம்

பாகிஸ்தானின் முன்னாள் பிரதமர் இம்ரான் கானுக்கு அரசு இரகசியங்களை வெளியிட்டதாகத் தொடரப்பட்ட வழக்கில் பாகிஸ்தான் உச்ச நீதிமன்றம் வெள்ளிக்கிழமை பிணை வழங்கியது.

இம்ரான் கானின் கட்சியின் துணைத் தலைவரும், முன்னாள் வெளியுறவு அமைச்சருமான ஷா மஹ்மூத் குரேஷிக்கும் பிணை வழங்கப்பட்டது.

முன்னாள் பிரதம மந்திரி ஊழல் குற்றச்சாட்டில் மூன்று ஆண்டுகள் சிறைத்தண்டனை விதிக்கப்பட்டார். பின்னர் தண்டனை இடைநிறுத்தப்பட்டது. ஆனால் உத்தியோகபூர்வ இரகசியச் சட்ட வழக்கு உட்பட அவருக்கு எதிரான பிற குற்றச்சாட்டுகள் காரணமாக ஆகஸ்ட் முதல் அவர் சிறையில் இருந்தார்.

வழக்கு முற்றிலுமாக வலுவிழந்து விட்டது. இறுதியாக இம்ரான் கான் மற்றும் ஷா மஹ்மூத் குரேஷிக்கு பிணை வழங்கப்பட்டது என்று வழக்கறிஞர் சல்மான் சப்தர் நீதிமன்றத்திற்கு வெளியே செய்தியாளர்களிடம் கூறினார்.

வெள்ளியன்று எடுக்கப்பட்ட ஜாமீன் முடிவு கானை காவலில் வைக்க அனுமதிக்குமா என்பது இன்னும் தெளிவாகத் தெரியவில்லை. முன்னாள் பிரதமருக்கு எதிராக பல வழக்குகளில் கைது உத்தரவுகள் பிறப்பிக்கப்பட்டுள்ளன என்பது குறிப்பிடத்தக்கது.