தாய்லாந்து வணிக வளாகத்தில் துப்பாக்கிச் சூடு: 3 பேர் பலி!

தாய்லாந்து தலைநகர் பாங்காக்கின் மையத்தில் உள்ள சொகுசு வணிக வளாகத்தில் நடந்த துப்பாக்கிச் சூட்டில் 3 பேர் கொல்லப்பட்டதாக தாய்லாந்து அதிகாரிகள் தெரிவித்துள்ளனர்.

இந்த சம்பவத்தில் வெளிநாட்டு பிரஜை உட்பட மேலும் 4 பேர் காயமடைந்துள்ளனர்.

14 வயதுடைய சந்தேக நபர் சரணடைந்த பின்னர் கைது செய்யப்பட்டுள்ளார். அவர் கைத்துப்பாக்கியை பயன்படுத்தியதாக காவல்துறையினர் தெரிவித்தனர்.

நிலைமை கட்டுக்குள் கொண்டு வரப்பட்டுள்ளதாகவும், காவல்துறையினர் சம்பவ இடத்தை சுத்தம் செய்து வருவதாகவும் தெரிவிக்கப்பட்டுள்ளது.

முன்னதாக சமூக ஊடகங்களில் வெளியான காட்சிகள், கடைக்காரர்கள் மையத்திலிருந்து வெளியே ஓடுவதைக் காட்டியது. அது விரைவாக வெளியேற்றப்பட்டு அதன் கதவுகள் மூடப்பட்டன.

அருகிலுள்ள சியாம் மெட்ரோ நிலையமும் மூடப்பட்டது.

மக்கள் மாலில் இருந்து எடுக்கப்பட்ட வீடியோக்களை வெளியிட்டனர். ஒன்று, பிஸியான வளாகத்தில் துப்பாக்கிச் சூடு போன்ற நான்கு உரத்த சத்தங்கள் தெளிவாகக் கேட்கின்றன.

அவர்கள் கடைகள் மற்றும் குளியலறைகளுக்குள் மறைந்திருந்ததாகவும் சாட்சிகள் தெரிவித்தனர்.