நைஜரில் நாட்டில் ஜனாதிபதி மொஹமட் பாஸூமை பதவியிலிருந்து தூக்கியெறிந்த படைச் சிப்பாய்கள்
ஆபிரிக்க நாடுகளில் ஒன்றான நைஜரில் நாட்டின் ஜனாதிபதி மொஹமட் பாஸூவை அந்நாட்டின் படைச் சிப்பாய்கள் அதிகாரத்தில் இருந்து நேற்றுப் புதன்கிழமை அகற்றியுள்ளனர்.
ஜனாதிபதி மொஹமட் பாஸூவின் பாதுகாப்பு உறுப்பினர்கள் அவரது உத்தியோகபூர்வ இல்லத்தில் தடுத்து வைத்தனர்.
பாதுகாப்பு மற்றும் பாதுகாப்பு படைகள் ஜனாதிபதி மொஹமட் பாஸூவின் ஆட்சிக்கு முற்றுப்புள்ளி வைக்க முடிவு செய்வதாக தேசிய தொலைக்காட்சியில் தோன்றிய கேர்னல்-மேஜர் அமடூ அப்த்ரமானே தெரிவித்தார்.
நாட்டின் எல்லைகள் மூடப்பட்டுள்ளதாகவும், நாடு முழுவதும் ஊரடங்கு உத்தரவு அமலில் இருப்பதாகவும், நாட்டின் அனைத்து நிறுவனங்களும் இடைநிறுத்தப்பட்டதாகவும் அமடூ அப்த்ரமானே கூறினார்.
ஒன்பது அதிகாரிகள் எழுத்து நிற்க மேசையில் அமர்ந்திருந்தவாறு கேர்னல்-மேஜர் அமடூ அப்த்ரமானே உரையாற்றினார். நாட்டைப் பாதுகாக்க தங்களை ஒரு தேசிய கவுன்சில் என்று அழைத்தனர். அத்துடன் அவர்கள் வெளிநாட்டு தலையீடுகளுக்கு எதிராகவும் எச்சரித்தனர்.
ப்த்ரமனேவின் அறிவிப்பின் போது ஜனாதிபதி எங்கே இருந்தார் அல்லது அவர் ராஜினாமா செய்தாரா என்பது தெளிவாகத் தெரியவில்லை.
அமெரிக்கா உடனடியாக பாஸூமின் விடுதலைக்கு அழைப்பு விடுத்தது. நைஜரின் ஜனநாயக ரீதியாக தேர்ந்தெடுக்கப்பட்ட ஜனாதிபதியாக அமெரிக்கா உறுதியுடன் ஆதரிக்கிறது என்பதை நான் இன்று காலை ஜனாதிபதி பாஸூமுடன் பேசினேன் என்று நியூசிலாந்தில் செய்தியாளர்களிடம் பேசிய அமெரிக்க வெளியுறவுத்துறை அமைச்சர் ஆண்டனி பிளிங்கன் தெரிவித்தார். அவரை உடனடியாக விடுவிக்குமாறு நாங்கள் கேட்டுக்கொள்கிறோம் என்று அவர் கூறினார்.
ஆபிரிக்காவில் 2020 ஆண்டு தொடக்கம் நடந்த இராணுவச் சதியில் 7வது சதி நைஜரில் நடந்துள்ளது. இது அல்-கொய்தா மற்றும் ஐஎஸ்ஐஎஸ் (ஐஎஸ்ஐஎல்) உடன் தொடர்புடைய ஆயுதக் குழுக்களுக்கு எதிராக சஹேல் பிராந்தியத்தில் உள்ள நாடுகளுக்கு உதவ மேற்கத்திய முயற்சிகளை மேலும் சிக்கலாக்கும் எனக் கூறப்படுகிறது.
பலத்தால் அதிகாரத்தை கைப்பற்றுவதற்கும், நைஜரில் ஜனநாயக ஆட்சி, அமைதி மற்றும் ஸ்திரத்தன்மைக்கு குழிபறிக்கும் எந்தவொரு முயற்சியையும் வன்மையாக கண்டிப்பதாக ஐக்கிய நாடுகள் சபபையின் பொதுச்செயலாளர் அன்டோனியோ குட்டெரெஸ் கூறினார்.
பிரான்சும் நைஜரில் பலத்தால் அதிகாரத்தைக் கைப்பற்றும் அனைத்து முயற்சிகளையும் கடுமையாகக் கண்டித்தது.
நைஜரின் இராணுவத் தலைமை இன்று வியாழக்கிழமை ஜனாதிபதி மொஹமட் பாஸூமிடம் இருந்து அதிகாரத்தைக் கைப்பற்றியதாகக் கூறும் இராணுவக் குழுவிற்கு ஆதரவளித்தது.
Post a Comment