பாதுகாப்பு அமைச்சர், இராணுவத் தலைவர் கொல்லப்பட்டதை ஈரான் உறுதிப்படுத்தியுள்ளது.
அமெரிக்கா மற்றும் இஸ்ரேலின் தொடர்ச்சியான தாக்குதல்களில் ஈரானின் உச்ச தலைவர் அயதுல்லா அலி கமேனி மற்றும் உயர் பாதுகாப்பு அதிகாரிகள்கொல்லப்பட்டுள்ளனர்.
ஈரானின் உச்ச தலைவரான ஆயத்துல்லா அலி கமேனி , சனிக்கிழமை காலை தனது அலுவலகத்தில் கொல்லப்பட்டார்.
ஈரானிய தொலைக்காட்சி நாட்டின் ஆயுதப்படைகளின் தலைமைத் தளபதி அப்துல்ரஹிம் மௌசவி வான்வழித் தாக்குதல்களில் கொல்லப்பட்டதாக செய்தி வெளியிட்டுள்ளது.
புரட்சிகர காவல்படையின் தளபதி ஜெனரல் முகமது பாக்பூரின் மரணத்தையும் தெஹ்ரான் உறுதிப்படுத்தியுள்ளது.
இந்த தாக்குதலில் கமேனியின் மகள், மருமகன் மற்றும் பேரக்குழந்தை ஆகியோர் கொல்லப்பட்டதாக மாநில ஊடகங்கள் செய்தி வெளியிட்டுள்ளன.
இந்தத் தாக்குதல்களில் மொத்தம் 40 ஈரானிய அதிகாரிகள் கொல்லப்பட்டதாக ஒரு உளவுத்துறை வட்டாரமும் இராணுவ வட்டாரமும் சிபிஎஸ் செய்திக்குத் தெரிவித்துள்ளன.
ஈரானிய புரட்சிகர காவல்படை பழிவாங்குவதாக உறுதியளித்துள்ளது. மேலும் மத்திய கிழக்கில் அமெரிக்க துருப்புக்களை வைத்திருக்கும் 27 தளங்கள் மற்றும் டெல் அவிவில் உள்ள இஸ்ரேலிய இராணுவ வசதிகள் மீது தாக்குதல்களை நடத்தியதாகக் கூறுகிறது.
கத்தார் மற்றும் ஐக்கிய அரபு எமிரேட்ஸில் வெடிச்சத்தங்கள் தொடர்ந்து கேட்கின்றன.
Post a Comment