2024 இல் குறைந்தபட்ச ஊதியம் €12.41 ஆக அதிகரிக்கிறது யேர்மனி

யேர்மனியில் ஊதியக் குழுவின் புதிய பரிந்துரைகளின் அடிப்படையில் எதிர்வரும் ஜனவரி 1, 2024 முதல் குறைந்தபட்ச ஊதியத்தை ஒரு மணி நேரத்திற்கு €12.41 ($13.51) ஆக உயர்த்த உள்ளது. தற்போதைய குறைந்தபட்ச ஊதியம் ஒரு மணி நேரத்திற்கு €12 ஆகும்.

இதைத் தொடர்ந்து ஒரு வருடம் கழித்து, ஜனவரி 1, 2025 அன்று, குறைந்தபட்ச ஊதியம் மீண்டும் €12.82 ஆக உயர்த்தப்பட வேண்டும். பரிந்துரைகளின்படி யேர்மன் அரசாங்கத்தால் நடைமுறைப்படுத்தப்படுகின்றன.

ஒவ்வொரு இரண்டு வருடங்களுக்கும், நிறுவனங்கள், தொழிற்சங்கங்கள் மற்றும் அறிவியலின் பிரதிநிதிகளைக் கொண்ட கமிஷன், குறைந்தபட்ச ஊதியத்தின் எதிர்கால நிலை குறித்த பரிந்துரையை வழங்குகிறது.

பலவீனமான பொருளாதார வளர்ச்சி மற்றும் யேர்மனியில் தொடர்ந்து அதிக பணவீக்கம் உள்ள நேரத்தில் இந்தத் தீர்மானம் வந்துள்ளது. இது நிறுவனங்கள் மற்றும் ஊழியர்களுக்கு ஒரே மாதிரியாக பெரும் சவால்களை முன்வைக்கிறது என்று ஆணையம் தனது முடிவில் கூறியது.

எவ்வாறாயினும், உயர் பணவீக்கத்தால் பாதிக்கப்பட்ட தொழிலாளர்களுக்கு குறைந்தபட்ச ஊதிய உயர்வு போதுமானதாக இல்லை என்று கமிஷனில் உள்ள தொழிலாளர் பிரதிநிதிகள் இதனை எதிர்த்தனர்.

யேர்மன் தொழிற்சங்க கூட்டமைப்பு (DGB) இந்த முடிவை கடுமையாக விமர்சித்தது.

0.41 யூரோக்கள் பெயரளவிலான உயர்வு என்பது, நாட்டின் ஏறக்குறைய 6 மில்லியன் குறைந்தபட்ச ஊதியத் தொழிலாளர்களுக்கு, உயர் பணவீக்கத்தைக் கருத்தில் கொண்டு, மகத்தான ஊதியக் குறைப்பை ஏற்படுத்தும் என்று, குறைந்தபட்ச ஊதியக் குழுவின் உறுப்பினராகவும் இருக்கும் குழு உறுப்பினர் ஸ்டீபன் கோர்செல் கூறினார்.

தொழிலாளர் பிரதிநிதிகள் குறைந்தபட்சம் €13.50 ஆக அதிகரிக்க வலியுறுத்தினர் ஆனால் நிறுவனப் பிரதிநிதிகள் மற்றும் ஆணையத்தின் தலைவரான கிறிஸ்டியன் ஸ்கோனெஃபெல்ட் ஆகியோரால் நிராகரிக்கப்பட்டது என்று கோர்செல் கூறினார்.

யேர்மனியின் சமூக ஜனநாயகக் கட்சி தலைமையிலான கூட்டணி அரசாங்கம் கடந்த ஆண்டு அக்டோபரில் நாட்டின் குறைந்தபட்ச ஊதியத்தை 10.45 யூரோக்களில் இருந்து 12 யூரோக்களாக உயர்த்துவதற்கான வலியுறுத்தியது. ஆணால் ஆணையகம் இதனைப் புறக்கணித்தது.

இந்த அதிகரிப்பு அதிபர் ஓலாஃப் ஸ்கோல்ஸின் முக்கிய பிரச்சார உறுதிமொழியாக இருந்தது.

யேர்மனி முதன்முதலில் 2015 இல் ஒரு சட்டப்பூர்வ குறைந்தபட்ச ஊதியத்தை அறிமுகப்படுத்தியது. இது ஆரம்பத்தில் ஒரு மணி நேரத்திற்கு 8.50 யூரோவாக இருந்தது, ஆனால் அதன் பிறகு மீண்டும் மீண்டும் அதிகரிக்கப்பட்டது.