இஸ்ரேலிய பாலியல் வன்முறை: ஐ.நா கறுப்புப் பட்டியலில் சேர்த்தை வெக்கக்கேடானது என்கிறது இஸ்ரேல்

மோதல் நிறைந்த பகுதிகளில் நிகழும் பாலியல் வன்முறைக்கான கறுப்புப் பட்டியலில் இஸ்ரேலிய அமைப்புகளை ஐ.நா சேர்த்திருப்பதை , இஸ்ரேலிய வெளியுறவு அமைச்சகம் வெட்கக்கேடானது மற்றும் அபத்தமானது எனக் கூறி கடுமையாகச் சாடியுள்ளது.

இன்றைய முடிவை அதன் உண்மையான பின்னணியில் புரிந்துகொள்ள வேண்டும். இது இஸ்ரேலுக்கும் ஹமாஸால் இழைக்கப்பட்ட உண்மையான பாலியல் அட்டூழியங்களுக்கும் இடையில் ஒரு போலியான சமநிலையை உருவாக்கும் முயற்சி என்று அந்த அமைச்சகம் தனது எக்ஸ் கணக்கில் எழுதியுள்ளது.

ஐக்கிய நாடுகள் சபைக்கான நாட்டின் தூதர் டேனி டானன், இந்த முடிவை ஒரு அவமானம் என்று வர்ணித்ததோடு, இஸ்ரேலுக்கு எதிராகப் பிரச்சாரம் செய்வதற்காக ஐ.நா. தலைவர் அன்டோனியோ குட்டெரஸையும் குற்றம் சாட்டினார்.

இந்தப் பொதுச்செயலாளருடன் எங்களுக்கு எந்த சம்பந்தமும் இல்லை. இனி நாங்கள் அவருடனோ அல்லது அவரது பிரதிநிதிகளுடனோ ஒத்துழைக்க மாட்டோம் என்று டானன் ஹீப்ரு மொழியில் ஒரு காணொளியில் கூறினார்.