பிரான்சின் விமானம் தாங்கி கப்பல் கிரீட் தீவில் உள்ள சூடாவில் நிறுத்தப்பட்டது

மத்திய கிழக்கில் நடந்துவரும் போரின் பின்னணியில், பிரெஞ்சு விமானம் தாங்கி கப்பலான சார்லஸ் டி கோல் இன்று காலை கிரீட் தீவில் உள்ள சூடா வளைகுடாவிற்கு வந்தடைந்தது.

கிறீஸ் ஊடகங்களின் தகவல்படி அந்தப் போர்க்கப்பல் ஏப்ரல் 7 வரை அந்த இடத்தில் நங்கூரமிட்டு நிலைநிறுத்தப்படும். ஈஸ்டர் பண்டிகையை முன்னிட்டு, சைப்ரஸைச் சுற்றியுள்ள கிழக்கு மத்தியதரைக் கடலில் பணியாற்றிய குழுவினர். அதிலிருந்து மீண்டு ஓய்வெடுக்க இது வழிவகுக்கும்.

மார்ச் மாதத் தொடக்கத்தில் சைப்ரஸில் உள்ள பிரிட்டிஷ் தளத்தின் மீது ஈரான் நடத்திய ஆளில்லா விமானத் தாக்குதலைத் தொடர்ந்து, கிழக்கு மத்தியதரைக் கடலில் ஐரோப்பியப் போர்க்கப்பல்களின் இராணுவப் பிரசன்னம் அதிகரிக்கப்பட்டுள்ள ஒரு காலகட்டத்தில் இந்த நிலைநிறுத்தம் செய்யப்பட்டுள்ளது. 

இந்த விமானம் தாங்கி கப்பலின் பிரசன்னம், அந்தச் சிறிய ஐரோப்பிய ஒன்றியத் தீவுக் குடியரசுடன் பிரான்ஸ் கொண்டுள்ள ஒற்றுமையின் தெளிவான அடையாளமாகக் கருதப்படுகிறது. மேலும், பிரான்ஸ் ஏற்கெனவே சைப்ரஸில் வான் பாதுகாப்பு அமைப்புகளை நிலைநிறுத்தியுள்ளது.

கிரீட் தீவில் உள்ள சூடா வளைகுடா, மத்தியதரைக் கடலில் நடைபெறும் நேட்டோ மற்றும் ஐரோப்பிய இராணுவ நடவடிக்கைகளுக்கான ஒரு முக்கிய தளவாட மையமாகும். அங்கிருந்து, சார்லஸ் டி கோல் போர்க்குழுவால் ஒரு நாளுக்குள் சைப்ரஸை சென்றடைய முடியும்.