இஸ்ரேல் வழியாக போர் நிறுத்தம் அல்லது போர் ஆகிய இரண்டில் ஒன்றை அமெரிக்கா தேர்ந்தெடுக்க வேண்டும் - ஈரான்

லெபனான் முழுவதும் இன்று நடைபெற்ற தொடர் தாக்குதல்களைத் தொடர்ந்து, அமெரிக்கா போர் நிறுத்தம் அல்லது இஸ்ரேல் வழியாக போரைத் தொடர்வது ஆகிய இரண்டில் ஒன்றைத் தேர்ந்தெடுக்க வேண்டும் என்று ஈரான் வெளியுறவு அமைச்சர் கூறியுள்ளார்.

மெரிக்காவுக்கும் ஈரானுக்கும் இடையிலான இரண்டு வார கால போர் நிறுத்தத்தில் கோடிட்டுக் காட்டப்பட்டுள்ள நிபந்தனைகள் தெளிவானவை மற்றும் வெளிப்படையானவை என்று ஈரானிய வெளியுறவு அமைச்சர் சையத் அப்பாஸ் அராக்சி கூறியுள்ளார்.

பாகிஸ்தான் பிரதமர் ஷெபாஸ் ஷெரீப் அறிவித்த போர் நிறுத்த அறிவிப்பை ஈரான் வெளியுறவு அமைச்சர் இணைத்துள்ளார்; அந்த ஒப்பந்தத்தில் லெபனானும் அடங்கும் என்று ஷெரீப் கூறியதை அவர் சுட்டிக்காட்டியுள்ளார்.

அமெரிக்கா போர் நிறுத்தம் அல்லது இஸ்ரேல் வழியாகத் தொடரும் போர் ஆகிய இரண்டில் ஒன்றைத் தேர்ந்தெடுக்க வேண்டும். இரண்டையும் அதனால் கொண்டிருக்க முடியாது. என்று கூறும் அராக்சி, லெபனானில் நடக்கும் படுகொலைகளை உலகம் காண்கிறது என்றும் குறிப்பிடுகிறார்.

இறுதி முடிவு இப்போது அமெரிக்காவின் கையில் உள்ளது, அது தனது வாக்குறுதிகளை நிறைவேற்றுமா என்பதை உலகம் உற்று நோக்கிக் கொண்டிருக்கிறது என அவர் தனது எக்ஸ் தளத்தில் எழுத்தினார்.