பாகிஸ்தானில் ஈரானுக்கு ஆதராவன அமெரிக்காவுக்கு எதிரான போராட்டங்கள்: ஊரடங்கை அறிவித்தது அரசாங்கம்!

அமெரிக்க-இஸ்ரேலிய தாக்குதலில் ஈரானின் உச்ச தலைவர் அயதுல்லா அலி கமேனி கொல்லப்பட்டதற்கு எதிரான கொடிய போராட்டங்களுக்குப் பின்னர் ஊரடங்கு நடவடிக்கை எடுக்கப்பட்டுள்ளது. நாடு முழுவதும் குறைந்தது 25 பேர் கொல்லப்பட்டனர் மற்றும் பலர்காயமடைந்துள்ளனர்.

கடந்த ஞாயிற்றுக்கிழமை, வடக்கு கில்கிட்-பால்டிஸ்தான் பிராந்தியத்தில் உள்ள ஸ்கர்டுவில் உள்ள ஐ.நா. அலுவலகங்களை ஆயிரக்கணக்கான ஷியா ஆர்ப்பாட்டக்காரர்கள் தாக்கினர். கில்கிட் நகரில், போராட்டக்காரர்கள் ஒரு காவல் நிலையத்தை எரித்தனர். ஒரு பள்ளியை சேதப்படுத்தியதாக அதிகாரிகள் தெரிவித்தனர்.

கில்கிட்-பால்டிஸ்தான் பகுதியில் குறைந்தது 12 பேர் கொல்லப்பட்டதாகவும், 80 பேர் காயமடைந்ததாகவும் போலீசார் தெரிவித்தனர்.

தெற்கு துறைமுக நகரமான கராச்சியிலும் ஆர்ப்பாட்டங்கள் வெடித்தன. ஞாயிற்றுக்கிழமை அமெரிக்க துணைத் தூதரகத்திற்குள் நுழைந்த போராட்டக்காரர்கள் , ஜன்னல்களை உடைத்து, கட்டிடத்திற்கு தீ வைக்க முயன்றனர். போலீசாருடனான மோதல்களில் பத்து பேர் இறந்தனர், 50க்கும் மேற்பட்டோர் காயமடைந்தனர். 

இதற்கிடையில், தலைநகர் இஸ்லாமாபாத்தில் நடந்த மோதல்களில் ஒருவர் கொல்லப்பட்டார்.

வடக்கு நகரங்களான பரசினார், தேரா இஸ்மாயில் கான் மற்றும் பெஷாவரிலும் ஆயிரக்கணக்கானோர் ஆர்ப்பாட்டத்தில் ஈடுபட்டனர், ஆனால் ந்த மோதல்களும் பதிவாகவில்லை.

ஈரானுக்குப் பின்னர் உலகின் இரண்டாவது பெரிய ஷியா சமூகம் பாகிஸ்தானில் வசிக்கிறது . நாடு முழுவதும் ஷியாக்கள் சிறுபான்மையினராக இருந்தாலும், கில்கிட்-பால்டிஸ்தான் உட்பட சில வடக்குப் பகுதிகளில், அவர்கள் பெரும்பான்மையாக உள்ளனர்.