முற்றுகையையும் மீறி ரஷ்ய எண்ணெய் கப்பலை கியூபாவை சென்றடைய அனுமதித்தது அமெரிக்கா

எரிசக்தி பற்றாக்குறையால் தவிக்கும் கரீபியன் தீவான கியூபா மீது அமெரிக்கா நடைமுறையில் எண்ணெய் முற்றுகையிட்டிருந்தபோதிலும், கச்சா எண்ணெய் ஏற்றப்பட்ட ஒரு ரஷ்யக் கப்பலை கியூபாவிற்குச் செல்ல அனுமதித்துள்ளதாக நியூயார்க் டைம்ஸ் ஞாயிற்றுக்கிழமை செய்தி வெளியிட்டது.

730,000 பீப்பாய்கள் கச்சா எண்ணெயை ஏற்றிச் செல்வதாகக் கூறப்படும் அனடோலி கொலோட்கின் கப்பல், ஞாயிற்றுக்கிழமை அன்று கியூபாவின் கிழக்கு முனைக்கு அருகே மணிக்கு 12 நாட்டிக்கல் மைல் வேகத்தில் பயணித்துக் கொண்டிருந்தது என கப்பல் கண்காணிப்புத் தரவுகள் காட்டின.

அது செவ்வாய்க்கிழமை மட்டான்சாஸ் துறைமுகத்திற்கு வந்து சேரும் என எதிர்பார்க்கப்படுவதாக ஏஎஃப்பி செய்தி நிறுவனம் தெரிவித்துள்ளது.