முன்னாள் ஜனாபதி மைத்திரி வதிவிடத்தை விட்டு வெளியேறினார்.

ஹெக்டர் கொப்பேகடுவ மாவத்தையில் உள்ள தனது உத்தியோகபூர்வ இல்லத்திலிருந்து முன்னாள் ஜனாதிபதி மைத்திரிபால சிறிசேன வெளியேறியுள்ளார்.

முன்னாள் ஜனாதிபதிகளின் உரித்துரிமைகள் (நீக்குதல்) சட்டமூலம் நேற்றுப் புதன்கிழமை (9) பாராளுமன்றத்தில் 150 மேலதிக வாக்குகளால் நிறைவேற்றப்பட்டதை அடுத்து,முன்னாள் ஜனாதிபதி மைத்திரிபால சிறிசேன தனது உத்தியோகபூர்வ இல்லத்தில் இருந்து வெளியேறியுள்ளார்.

இந்த மசோதா முன்னாள் ஜனாதிபதிகள், அவர்களது விதவைகள் மற்றும் ஓய்வு பெற்ற நாடாளுமன்ற உறுப்பினர்களுக்கு வழங்கப்படும் சிறப்பு சலுகைகளை இரத்து செய்ய முயல்கிறது.

பாராளுமன்றத்தில் மசோதா நிறைவேற்றப்பட்டதைத் தொடர்ந்து, சபாநாயகர் ஜகத் விக்ரமரத்ன மசோதாவின் சான்றிதழை அங்கீகரித்து, அதில் கையொப்பமிட்டு சட்டமாக மாற்றினார். 

அதன்படி, இந்த மசோதா 2025 ஆம் ஆண்டு 18 ஆம் எண் கொண்ட ஜனாதிபதி உரிமைகள் (இரத்து செய்தல்) சட்டமாக அமலுக்கு வந்துள்ளது.