சுவீடனின் சிறப்பு மிக்க தேவாயம் 5 கி.மீ நகர்த்தப்பட்டது!

சுவீடனில் மிகப்பெரிய நிலத்தடி சுரங்கத்தை விரிவுபடுத்துவதற்காக, ஸ்வீடனின் மிக அழகான கட்டிடங்களில் ஒன்றாகக் கருதப்படும் ஒரு வரலாற்றுச் சிறப்புமிக்க சிவப்பு மர தேவாலயம்,  ஆர்க்டிக் நகரமான கிருனாவில் உள்ள அதன் இடத்திலிருந்து சங்கரங்கள் கொண்ட இயத்திரத்தைக் கொண்டு மெதுவாக நகரத் தொடங்கியது.

உள்ளூர் நேரப்படி காலை 8.00 மணிக்குப் பிறகு ட்ரெய்லர்களின் 220 சக்கரங்களில் வைத்து தேவாலயம் நகரத் தொடங்கியது.

கிருணாவின் நகர மையத்தை, தேவாலயத்தையும் சேர்த்து, இடமாற்றம் செய்யும் பணி 2004 முதல் நடைபெற்று வருகிறது. LKAB இரும்புத் தாது சுரங்கம் நிலத்தடியில் ஆழமாக விரிவடைந்ததால், குடியிருப்பாளர்கள் கட்டிடங்கள் மற்றும் சாலைகளில் விரிசல்கள் ஏற்படத்தொடங்கியது.

1,365 மீட்டர் (4,478 அடி) புதிய ஆழத்தை எட்டியதை அடுத்து தேவாலயம் நிலத்திற்குள் விழுங்கப்படுவதைத் தவிர்க்க தேவாலயத்தை புதிய நகரத்திற்கு நகர்த்தத் தொடங்கினர்.

1912 ஆம் ஆண்டு முதல் 672 டன் எடையுள்ள ஒரு பிரமாண்டமான ஸ்வீடிஷ் லூத்தரன் தேவாலயமான கிருனா கிர்கா, ரிமோட் கண்ட்ரோல் பிளாட்பெட் டிரெய்லர்களில் ஐந்து கிலோமீட்டர் (மூன்று மைல்) நகர்த்தப்படுகிறது.

தேவாலயம் 1912 இல் கட்டி முடிக்கப்பட்டது. அதன் நியோ-கோதிக் வெளிப்புறம் நகரத்தின் மிகவும் தனித்துவமான கட்டிடமாகக் கருதப்படுகிறது, மேலும் இடமாற்றத்திற்குத் தயாராவதற்கு ஒரு வருடம் முன்பு மூடப்படுவதற்கு முன்பு சுற்றுலாப் பயணிகள் தொடர்ந்து அங்கு பயணம் செய்தனர். இது 2026 ஆம் ஆண்டின் இறுதியில் புதிய இடத்தில் மீண்டும் திறக்கப்பட உள்ளது.