ஈரானின் ஒற்றுமையால் எதிரி தோற்கடிக்கப்பட்டார் - பாரசீகப் புத்தாண்டுச் செய்தியில் ஈரானின் உச்ச தலைவர்

ஈரானின் உச்ச தலைவர் கமேனி தனது செய்தியில் எதிரி தோற்கடிக்கப்பட்டார் என்று கூறியுள்ளார்.

ஈரானின் ஒற்றுமை எதிரியைத் தோற்கடித்துவிட்டது என்று பாரசீகப் புத்தாண்டுக்காக உச்ச தலைவர் மொஜ்தபா கமெனி ஒரு செய்தியை வெளியிட்டுள்ளார். அமெரிக்க-இஸ்ரேலியத் தாக்குதல்களைத் தொடர்ந்து அவரது உடல்நிலை குறித்த வதவிகளுக்கு மத்தியில் கமெனியின் இந்தச் செய்தி வெளியாகியுள்ளது.

அமெரிக்காவும் இஸ்ரேலும் ஈரான் மீது தொடர்ந்து தாக்குதல்களை நடத்தி வரும் நிலையில், பாரசீகப் புத்தாண்டுக்காக அனுப்பிய எழுத்துப்பூர்வ செய்தியில், ஈரானின் எதிரிகள் தோற்கடிக்கப்பட்டு வருவதாக உச்ச தலைவர் மொஜ்தபா கமெனி தெரிவித்துள்ளார்.

வெள்ளிக்கிழமை ஈரானிய தொலைக்காட்சியில் வாசிக்கப்பட்ட ஓர் அறிக்கையில், நவ்ரூஸ் பண்டிகையைக் கொண்டாடிய ஈரானிய மக்களின் உறுதியை கமெனி பாராட்டினார். மேலும், இப்பிரவேசம் தேசிய ஒற்றுமை மற்றும் தேசிய பாதுகாப்பின் கீழ் ஒரு எதிர்ப்புப் பொருளாதாரத்தின் ஆண்டை தொடங்கி வைத்ததாகவும் அவர் கூறினார்.

தற்போது, ​​நமது நாட்டு மக்களாகிய உங்களிடையே – மத, அறிவுசார், கலாச்சார மற்றும் அரசியல் பின்னணிகளில் உள்ள அனைத்து வேறுபாடுகளையும் மீறி  உருவாகியுள்ள இந்தத் தனித்துவமான ஒற்றுமையின் காரணமாக, எதிரி தோற்கடிக்கப்பட்டுள்ளான் என்று அவர் கூறினார்.

ஓரிரு நாட்கள் தாக்குதல்களுக்குப் பிறகு ஈரானிய மக்கள் அரசாங்கத்தைக் கவிழ்த்துவிடுவார்கள் என்று அமெரிக்காவும் இஸ்ரேலும் நம்பினாலும், அது ஒரு பெரும் தவறான கணிப்பு என்று ஈரானின் உச்ச தலைவர் கூறினார்.

ஆட்சியின் உயர்மட்டத்தினரும், சில செல்வாக்கு மிக்க இராணுவத் தலைவர்களும் வீரமரணம் அடைந்தால், அது நமது அன்புக்குரிய மக்களிடையே அச்சத்தையும் விரக்தியையும் விதைக்கும். இதன் மூலம் ஈரானை ஆதிக்கம் செலுத்தி, பின்னர் அதனைத் துண்டாக்கும் கனவு நனவாகும் என்ற மாயையின் கீழ் இந்தப் போர் தொடங்கப்பட்டது என்று அவர் கூறினார்.

மாறாக, எதிரியிடம் ஒரு பிளவு ஏற்பட்டுள்ளது என்று அவர் மேலும் கூறினார்.

அதிகார வெற்றிடம் ஏற்படும் என்ற அச்சத்தைக் கருத்தில் கொண்டே ஈரானிய அரசியலமைப்புச் சட்டமும் வரைவு செய்யப்பட்டதாகவும், அது உச்சகட்ட அதிர்ச்சி ஏற்படும் தருணத்திலும் கூட அந்த அமைப்பு தொடர்ந்து இயங்குவதற்கான திறனை வழங்கும் வகையில் வடிவமைக்கப்பட்ட ஒரு  தப்பிப்பிழைக்கும் நெறிமுறை  என்றும் ஆய்வாளர்கள் குறிப்பிட்டுள்ளனர் .