இஸ்ரேல் - ஈரான் போர்: கடந்த ஆறு நாளில் ஈரானில் 585 பேர் பலி!

🕐 11:135 மணி

கடந்த ஆறு நாள் போரில் ஈரான் தரப்பில் 585 பேர் பலி!

போர் தொடங்கியதிலிருந்து இஸ்ரேலிய வான்வழித் தாக்குதல்களில் கிட்டத்தட்ட 600 ஈரானியர்கள் கொல்லப்பட்டனர்.

கடந்த வாரம் போர் அதிகரித்ததிலிருந்து, ஈரான் மீதான இஸ்ரேலிய வான்வழித் தாக்குதல்களில் குறைந்தது 585 பேர் கொல்லப்பட்டதாகவும், 1,326 பேர் காயமடைந்ததாகவும் வாஷிங்டனை தளமாகக் கொண்ட மனித உரிமை ஆர்வலர்கள் (HRA) குழு தெரிவித்துள்ளது.

கொல்லப்பட்டவர்களில் 239 பேர் பொதுமக்கள் என்றும் 126 பேர் பாதுகாப்புப் படையினர் என்றும் மனித உரிமைகள் குழு தெரிவித்துள்ளது.மோதலில் ஏற்பட்ட இறப்பு எண்ணிக்கையை ஈரான் வழக்கமான முறையில் வெளியிடவில்லை. சுகாதார அமைச்சக செய்தித் தொடர்பாளர் ஒருவர் மேற்கோள் காட்டிய சமீபத்திய எண்ணிக்கை 224 இறப்புகள் என்று திங்கட்கிழமை அதிகாலை அறிவிக்கப்பட்டது. HRA தனது அறிக்கையில் அரசு சாரா ஆதாரங்களை மேற்கோள் காட்டியது.

🕐 2:17 மணி

அமெரிக்க குண்டுவீச்சு விமானங்கள் இங்கிலாந்து தளத்திலிருந்து புறப்படுகின்றன

ஈரான் மற்றும் இஸ்ரேல் இடையேயான மோதலில் அமெரிக்கா இராணுவ ரீதியாக ஈடுபடுவதற்கான திட்டங்கள் குறித்த தகவல்கள் அதிகரித்து வருவதால், கிழக்கு இங்கிலாந்தில் உள்ள ஒரு தளத்திலிருந்து அமெரிக்க போர் விமானங்கள் வெளியேறியுள்ளன. ஒரு அமெச்சூர் புகைப்படக் கலைஞரால் எடுக்கப்பட்ட புகைப்படங்கள், ராயல் ஏர் ஃபோர்ஸ் லேகன்ஹீத்திலிருந்து F-35 போர் விமானங்கள் புறப்படுவதைக் காட்டுகின்றன. அவற்றுடன் வானில் எரிபொருள் நிரப்பும் ஒரு டேங்கர் விமானமும் சென்றது. அமெரிக்காவின் 20 வரையான டேங்கர் விமானங்கள் சவுதி அரேபியாவில் உள்ள அமெரிக்கத் தளத்தை வந்தடைந்தன.

🕐 2:14 மணி

சியோனிச ஆட்சிக்கு நாம் வலுவான பதிலடி கொடுக்க வேண்டும் - கமேனி

பயங்கரவாத சியோனிச ஆட்சிக்கு நாம் வலுவான பதிலடி கொடுக்க வேண்டும். சியோனிஸ்டுகளுக்கு (இஸ்ரேலுக்கு) நாங்கள் கருணை காட்ட மாட்டோம் என டிரம்பின் அச்சுறுத்தலின் பின் அயதுல்லா அலி கமேனி கூறினார். ஈரானின் வான்வெளி முழுவதும் எங்கள் கட்டுப்பாட்டுக்குள் கொண்டுவந்துள்ளோம் என்று கூறிய அமெரிக்க ஜனாதிபதி டிரம்ப் கூறினார். அத்துடன் ஈரானின் உச்ச தலைவரை அமெரிக்கா கொல்லக்கூடும் என்று பரிந்துரைத்தார். ஈரான் முழுமையாக சரணடைவதைத் தவிர வேறு ஒரு வழியும் இல்லை என்கிறார் டிரம்ப்.

🕐 12:44 மணி

இஸ்ரேலின் விமானத் தளங்கள் மீது ஈரான் தாக்குதல்

இஸ்ரேல் மீது பல ஏவுகணைத் தாக்குதல்களை ஈரான் நடத்தியது. இஸ்ரேலிய வான்வழித் தாக்குதல்களுக்குப் பயன்படுத்தப்படும் விமானத் தளங்களை குறிவைத்ததாகக் ஈரான் கூறியது.

🕐 12:38 மணி

இG7 நாடுகள் இஸ்ரேலுக்கு ஆதரவு

போரை முதலில் தொடுத்த இஸ்ரேலுக்கு G7 நாடுகள் இஸ்ரேலுக்கு ஆதரவாக குரல் கொடுத்தன. மேலும் மத்திய கிழக்கில் விரோதப் போக்கை மேலும் குறைக்க அழைப்பு விடுத்தன.

🕐 12:18 மணி

இஸ்ரேலுடன் தொடர்புடைய பயங்கரவாதக் குழுவை கைது செய்தது ஈரான்

கடஈரானிய தலைநகர் தெஹ்ரானின் தென்மேற்கே உள்ள ஒரு நகரத்தில் வெடிபொருட்களுடன் இஸ்ரேலுடன் தொடர்புடைய "பயங்கரவாதக் குழுவை" ஈரானிய பாதுகாப்புப் படையினர் கைது செய்ததாக ஈரானிய அரசு ஊடகங்கள் செய்தி வெளியிட்டுள்ளன.

🕐 12:15 மணி

ஈரான் மீண்டும் ஏவுகணைத் தாக்குதலை நடத்தியதாக இஸ்ரேல் தெரிவித்துள்ளது.

கடந்த 24 மணி நேரத்தில் நடந்த பல தாக்குதல்களில் சமீபத்தியது - ஈரானில் இருந்து வரும் ஏவுகணைகளைக் கண்டறிந்துள்ளதாக இஸ்ரேலிய இராணுவம் தெரிவித்துள்ளது.