கேரளா படகு விபத்து: 22 உல்லாசப் பயணிகள் பலி!!

கேரளாவின் மலப்புரம் மாவட்டத்தில் உள்ள தனூரில் 30க்கும் மேற்பட்ட சுற்றுலாப் பயணிகளை ஏற்றிச் சென்ற இரட்டை அடுக்கு படகு கவிழ்ந்ததில் குழந்தைகள் உட்பட குறைந்தது 22 பேர் உயிரிழந்ததாக அதிகாரிகள் தெரிவித்தனர். இச்சம்பவம் நேற்று ஞாயிற்றுக்கிழமை நடத்தது.

மீட்பு மற்றும் நிவாரணப் பணிகள் நடைபெற்று வருகின்றன. குறைந்தது நான்கு பேர் ஆபத்தான நிலையில் மருத்துவமனைக்கு அனுப்பப்பட்டனர். 

இந்த விபத்தில் 3 குழந்தைகள் உட்பட ஒரே குடும்பத்தைச் சேர்ந்த 11 பேர் உயிரிழந்ததாக உள்ளூர் பத்திரிகை தெரிவித்துள்ளது.

கப்பலிலும் அதைச் சுற்றிலும் உயிர் பிழைத்தவர்களை மக்கள் தேடினர். சிலர் கயிறுகளைப் பயன்படுத்தி பாதி நீரில் மூழ்கிய படகை நிலைநிறுத்தினார்கள்.  படகில் இருந்து மேலும் உடல்களை மீட்க மீட்புக் குழுக்கள் எதிர்பார்ப்பதாக உள்ளூர் சட்ட அமலாக்க அதிகாரி அட்புல் நாசர் தெரிவித்தார்.