இத்தாலியில் புலம்பெயர்ந்தோரின் படகு விபத்து: குறைந்தது 59 பேர் பலி!!

தெற்கு இத்தாலிக் கடலில் படகு மூழ்கியதில் 12 குழந்தைகள் உட்பட குறைந்தது 59 புலம்பெயர்ந்தோர் இறந்துள்ளனர் மற்றும் மேலும் பலர்  காணாமல் போயுள்ளனர்.

கலாப்ரியா பகுதியில் உள்ள கடலோர நகரமான குரோடோன் அருகே குறைந்தது 150 பேருடன் தரையிறங்க முயன்றபோது அதிக சுமை ஏற்றப்பட்ட படகு உடைந்தது.

கடற்கரையில் இருந்து அருகிலுள்ள கடலோர ரிசார்ட்டில் பல உடல்கள் மீட்கப்பட்டுள்ளன.

மோதல் மற்றும் வறுமையில் இருந்து வெளியேறும் பெரும் எண்ணிக்கையிலான மக்கள் ஒவ்வொரு ஆண்டும் ஆப்பிரிக்காவிலிருந்து இத்தாலிக்கு கடக்கிறார்கள்.

இறந்தவர்களில் சில மாதங்களே ஆன குழந்தை ஒன்றும் இருப்பதாக இத்தாலியின் அன்சா செய்தி நிறுவனம் தெரிவித்துள்ளது. சம்பவம் நடந்த இடத்தை பார்வையிட்ட உள்துறை அமைச்சர் மேட்டியோ பியான்டோசி, இன்னும் 30 பேர் காணாமல் போயிருக்கலாம் என்று கூறினார்.

கடலோர காவல்படையினர் 80 பேரை உயிருடன் மீட்கப்பட்டதாக தெரிவித்தனர்.

பல நாட்களுக்கு முன்பு துருக்கியில் இருந்து புறப்பட்ட படகில் ஆப்கானிஸ்தான், பாகிஸ்தான், சோமாலியா மற்றும் ஈரான் ஆகிய நாடுகளைச் சேர்ந்த பயணிகள் இருந்தனர். மிகவும் கடினமான சூழ்நிலையில் பலர் வெளியேறி வருகின்றனர்.

புலம்பெயர்ந்தோர் கடத்தல் குற்றச்சாட்டில் தப்பிய ஒருவர் கைது செய்யப்பட்டதாக இத்தாலியச் சுங்கப் காவல்துறையினர் தெரிவித்தனர்.

கரடுமுரடான காலநிலையின் போது பாறைகளின் மீது மோதியதால் படகு மூழ்கியதாகக் கூறப்படுகிறது. இது தரையிலும் கடலிலும் பொிய அளவில் தேடுதல் நடவடிக்கை முன்னெடுக்கப்பட்டுள்ளது.

உயிர் தப்பியவர்களை செஞ்சிலுவைச் சங்க ஊழியர்கள் கவனிகத்து வருகின்றனர் சிலர் மருத்துவமனைக்கு கொண்டு செல்லப்பட்டுள்ளனர்.