இலங்கைக்கு ஆதரவளிக்க விருப்பம்: சந்திப்பில் கமல்!
தென்னிந்திய சினிமா நடிகரும் இயக்குனருமான ‘பத்ம பூஷன்’ கமல்ஹாசன் தனது நலன்புரி சங்கத்தின் மூலம் இலங்கைக்கு ஆதரவளிக்க விருப்பம் தெரிவித்துள்ளார்.
சென்னையில் உள்ள இலங்கை துணை உயர்ஸ்தானிகர் கலாநிதி டி.வெங்கடேஷ்வரனுடனான கலந்துரையாடலின் போது தனது விருப்பத்தை கமல் வெளிப்படுத்தியிருந்தார்.
கலாநிதி டி.வெங்கடேஷ்வரன் விடுத்த அழைப்பின் பேரில், கமல்ஹாசன் கடந்த ஞாயிற்றுக்கிழமை (24) உயர்ஸ்தானிராலய வரலாற்றில் முதல் முறையாக சென்னையில் உள்ள இலங்கை துணை உயர்ஸ்தானிகராலயத்திற்கு பயணம்செய்தார்.
இந்த பயணத்தின் போது, கமல்ஹாசன் துணை உயர் ஆணையருடன் கலந்துரையாடினார். அங்கு அவர்கள் சினிமா துறை உள்ளிட்ட பல்வேறு விடயங்கள் குறித்து விவாதித்தனர்.
ஒரு கூட்டத்தில் உரையாற்றும் போது, பிரதி உயர்ஸ்தானிகர் கமல்ஹாசனை நாட்டின் சுற்றுலாத் துறையை மேம்படுத்தும் திரையுலகக் குழு மற்றும் நாடகக் குழு உறுப்பினர்களுடன் இலங்கைக்கு வருகை தருமாறு கேட்டுக் கொண்டார்.
மேலும், கமல்ஹாசன் தனது நலன்புரிச் சங்கத்தின் மூலம் இலங்கையை ஆதரிப்பதில் விருப்பம் தெரிவித்திருந்தார்.
கலந்துரையாடலுக்குப் பிறகு கமல் துணை உயர்ஸ்தானிகராலயத்தில் பணியாற்றும் ஊழியர்களுடனும் நட்பு ரீதியாக உரையாடினார்.
Post a Comment