ஆட்சியை தந்து பாருங்கள் ஜேவிபி!

குறுகிய காலத்திற்கு ஆட்சி அதிகாரத்தை பெற்று நாட்டின் அடிப்படை பிரச்சினைகளை தீர்க்க தயாராக இருப்பதாக மக்கள் விடுதலை முன்னணியின் தலைவர் அனுரகுமார திஸாநாயக்க தெரிவித்துள்ளார்.

“உலகில் இதுபோன்ற மக்களின் அடிப்படைத் தேவைகளை நிறைவேற்ற முடியாத அரசுகளும் ஆட்சியாளர்களும் பதவி விலகுகிறார்கள். அதனால்தான் கோட்டாபய ராஜபக்ச பதவி விலக வேண்டும், ரணில் விக்ரமசிங்க பதவி விலக வேண்டும் என்று கூறுகிறோம். குறுகிய காலத்திற்கு கூட அரசாங்கத்தை கொண்டு செல்ல தயாராக உள்ளோம். 

எமக்கு விருப்பமான அமைச்சரவையை இந்த பாராளுமன்றம் தெரிவு செய்ய அனுமதித்தால் குறுகிய காலத்திற்குள் இந்த பொருளாதாரத்தின் அடிப்படை பிரச்சினையை தீர்த்து பொருளாதாரத்தை முன்னேற்றுவதற்கான திட்டங்களை வகுப்போம். அனைத்து வர்ணக் கட்சிகளையும் விட்டுவிட்டு, இந்த நாட்டைக் கட்டியெழுப்புவதற்கான மக்கள் இயக்கம் என்ற ஒரே மக்கள் இயக்கத்தை உருவாக்க அனைவரையும் அழைக்கிறோம். 

மக்கள் ஆட்சியாளர்களை விரட்டியடிக்கும் வரை இந்த ஊழல்வாதிகளுக்கும் நாசகார மக்களுக்கும் எதிரான மக்கள் போராட்டம் தொடங்கப்பட வேண்டும்  எனவும் தெரிவித்துள்ளார்.