15 வயதுக்குட்பட்டோருக்கான சமூக ஊடகத் தடையை பிரான்சின் அரசியலமைப்பு ஆணையம் இரத்து செய்துள்ளது

15 வயதுக்குட்பட்ட குழந்தைகள் செப்டம்பர் மாதம் முதல் சமூக ஊடகங்களைப் பயன்படுத்துவதைத் தடைசெய்யும் சட்டத்தை, பிரான்சின் அரசியலமைப்புஆணையகம் வெள்ளிக்கிழமை அன்று இரத்து செய்தது. இந்த நடவடிக்கை, கருத்து மற்றும் தகவல் தொடர்பு சுதந்திரத்தின் மீது பொருத்தமற்ற கட்டுப்பாட்டை விதிப்பதாக நீதிபதிகள் தீர்ப்பளித்தனர்.

சமூக ஊடகப் பயன்பாட்டுடன் தொடர்புடைய அபாயங்களிலிருந்து குழந்தைகள் மற்றும் பதின்வயதினரின் உடல்நலம் மற்றும் பாதுகாப்பைப் பாதுகாக்கும் முயற்சியின் ஒரு பகுதியாக, நாடாளுமன்றம் ஜூலை 21 அன்று 279 வாக்குகள் ஆதரவுடனும் 81 வாக்குகள் எதிர்ப்படனும் இந்தச் சட்டத்தை நிறைவேற்றியது.

டிக்டாக் மற்றும் இன்ஸ்டாகிராம் உள்ளிட்ட சமூக ஊடகத் தளங்களுக்கு இந்தக் கட்டுப்பாடுகள் பொருந்தும். 15 வயதுக்குட்பட்டவர்கள் செப்டம்பர் மாதம் முதல் புதிய கணக்குகளைத் தொடங்குவது தடுக்கப்பட்டிருக்கும் அதே நேரத்தில் ஏற்கனவே கணக்கு வைத்திருப்பவர்களின் கணக்குகள் 2027 ஜனவரி 1 முதல் மூடப்பட்டிருக்கும்.

ஜூலை மாதம் நாடாளுமன்றம் ஒப்புதல் அளித்த பின்னர், ஜனாதிபதி இம்மானுவேல் மக்ரோன் இந்தத் தடையை ஒரு பெரும் முன்னேற்றம் என்று வர்ணித்தார். மேலும் பிரான்ஸ் முன்னோடியாக வழி காட்டுகிறது என்றும் கூறினார்.

ஆனால், இடதுசாரி பிரான்ஸ் அன்பௌட் (LFI) கட்சியைச் சேர்ந்த சட்டமியற்றுபவர்கள் கடந்த மாதம் அந்தச் சட்டத்தை பிரான்சின் மிக உயர்ந்த அரசியலமைப்பு அதிகார அமைப்புக்கு அனுப்பியதால், இந்த மறுஆய்வு தூண்டப்பட்டது.