சீன – அமெரிக்க புதிய தூதர்கள் வந்தடைந்தனர்!

இலங்கைக்கான புதிய சீன தூதராக வெய் {ஹவாக்சியாங் பதவியேற்றுள்ளார்.அதேவேளை இலங்கைக்கான புதிய அமெரிக்கத் தூதுவராக எரிக் மேயர் உத்தியோகபூர்வமாகப் பதவியேற்றுள்ளார். 

இதனிடையே சீனா எப்போதும் தனது அண்டை நாட்டு இராஜதந்திரத்தில் இலங்கைக்கு முன்னுரிமை அளிக்கிறது. நமது இரு நாடுகளும் வளர்ச்சி மற்றும் புத்துயிர் பெறும் பாதையில் சக பயணிகளாகவும், வெற்றி - வெற்றி ஒத்துழைப்புக்கான நல்ல பங்காளிகளாகவும் திகழ்கின்றன. நாம் இன்ப துன்பங்களைப் பகிர்ந்து கொள்ளும் நல்ல சகோதரர்களாகவும் நண்பர்களாகவும் இருக்கிறோமென புதிய சீனத்தூதர் தெரிவித்துள்ளார். 

தற்போதைய நிலவரப்படி, சீனக் கம்யூனிஸ்ட் கட்சியின் மத்தியக் குழுவின் உறுதியான தலைமையின் கீழும், பொதுச் செயலாளர் ஜின்பிங் அவர்களை மையமாகக் கொண்டும், சீன நவீனமயமாக்கல் மூலம் அனைத்துப் பரிமாணங்களிலும் ஒரு மாபெரும் நாட்டை உருவாக்குவதற்கும் தேசிய புத்துணர்ச்சியை மேம்படுத்துவதற்கும் சீன மக்கள் ஈடுபட்டுள்ளனர்.

இலங்கையும் பொருளாதார வளர்ச்சியை மையமாகக் கொண்டு, மக்களின் வாழ்வாதாரத்தை மேம்படுத்தி, 'செழிப்பான நாடு, அழகான வாழ்க்கை' என்ற தொலை நோக்குப் பார்வையை அடைவதற்குப் பாடுபட்டு வருகிறது.

இலங்கையுடன் தோளோடு தோள் நின்று நடக்க சீனா தயாராக உள்ளது. நமது வளர்ச்சி உத்திகளை வலுப்படுத்தி, பரஸ்பர வெற்றி மற்றும் பகிரப்பட்ட செழிப்புக்கான பரந்த வாய்ப்புகளைத் திறக்கவும், உண்மையான பரஸ்பர உதவியும் என்றென்றும் நீடிக்கும் நட்பும் கொண்ட நமது மூலோபாய கூட்டுறவுக் கூட்டாண்மையை மேலும் ஆழப்படுத்தவும், பகிரப்பட்ட எதிர்காலத்தைக் கொண்ட சீனா - இலங்கை சமூகத்தை இணைந்து கட்டமைக்கவும் சீனா தயாராக உள்ளதாகவும் புதிய தூதர் தெரிவித்துள்ளார்.