ஈரான் மீது அமெரிக்கா தொடர்ந்து 12-வது இரவாகத் தாக்குதல்களை நடத்தியது

ஈரானுக்கு எதிரான தாக்குதல்களைத் தொடர்ந்து 12-வது இரவாகத் தொடங்கியுள்ளதாக அமெரிக்க இராணுவம் தெரிவித்துள்ளது.

ஹோர்முஸ் நீரிணையில் நிலவும் பதற்றங்களுக்கு மத்தியில், பிராந்திய கடல் பகுதிகளில் கப்பல்களை அச்சுறுத்தும் ஈரானின் திறனை மேலும் குறைப்பதை நோக்கமாகக் கொண்டு இந்தத் தாக்குதல்கள் நடத்தப்பட்டதாக அமெரிக்க மத்திய கட்டளைப் பிரிவு (சென்ட்காம்) தெரிவித்துள்ளது.

முக்கியத்துவம் வாய்ந்த அந்த நீர்வழியில் கப்பல்கள் மீது ஏதேனும் புதிய தாக்குதல்கள் நடத்தப்பட்டால், அமெரிக்கா நேரடியாகப் பதிலடி கொடுக்கும் என்று அமெரிக்க அதிபர் டொனால்ட் டிரம்ப் தொடர்ந்து ஈரானை எச்சரித்துள்ளார். 

ஹோர்முஸ் நீரிணையில் கப்பல் மீது ஈரான் நடத்தும் ஒவ்வொரு தாக்குதலுக்கும் ஈடாக, அமெரிக்கா ஒரு பாலத்தையோ அல்லது மின் நிலையத்தையோ அழிக்கும் என்று டிரம்ப் கூறினார்.

உலகின் மிக முக்கியமான எரிசக்தி மற்றும் கப்பல் போக்குவரத்து வழித்தடங்களில் ஒன்றைச் சுற்றி இரு தரப்பினரும் தங்களது இராணுவ நடவடிக்கைகளைத் தொடர்ந்து விரிவுபடுத்தி வருவதால் தொடர்ந்து எண்ணெய் விலை உயர்ந்து வருகிறது. அத்துடன் நாடுகளுக்கு எடுத்துச் செல்லும் எண்ணெய் கப்பல்கள் மற்றும் சரக்குக் கப்பல்கள் ஹோர்முஸ் நீரிணையைக் கடக்க முடியாமல் முடங்கியுள்ளன.