குவைத்தில் உள்ள முக்கிய எரிசக்தி மற்றும் நீர் தளங்கள் தாக்குதலால் சேதமடைந்தன

குவைத்தில் நடந்த தாக்குதலில் கடல்நீர் சுத்திகரிப்பு நிலையம் மற்றும் மின் நிலையத்தின் சில பகுதிகள் சேதமடைந்துள்ளதாக அதிகாரப்பூர்வ அறிக்கைகள் தெரிவிக்கின்றன.

அவசரகால மீட்புக் குழுவினர் களமிறக்கப்பட்டு, மீட்புப் பணிகள் தொடர்ந்து நடைபெறுவதை உறுதிசெய்யும் பணியில் ஈடுபட்டு வருவதாகவும், இதுவரை பொருள் சேதம் மட்டுமே பதிவாகியுள்ளதாகவும் அதிகாரிகள் தெரிவித்தனர்.

குவைத் தனது வறண்ட நில அமைப்பு காரணமாக, குடிநீர் உற்பத்தி செய்ய கடல்நீரை குடிநீராக்குவதை பெருமளவில் சார்ந்துள்ளது . இந்த செயல்முறைக்கு அதிக ஆற்றல் தேவைப்படுகிறது. மேலும் இதுபோன்ற ஆலைகளுக்கு ஏற்படும் சேதம் சுற்றுச்சூழல் அபாயங்களையும் ஏற்படுத்தக்கூடும்.

முன்னதாக, நாட்டின் முக்கிய எரிசக்தி தளமான மினா அல்-அஹ்மதி சுத்திகரிப்பு நிலையத்தில் நடந்த தாக்குதலால் பல பிரிவுகளில் தீ விபத்துகள் ஏற்பட்டதாக அரசுக்குச் சொந்தமான குவைத் பெட்ரோலியம் நிறுவனம் தெரிவித்திருந்தது.

குவைத்தில் உள்ள மின்சாரம் மற்றும் கடல்நீர் சுத்திகரிப்பு ஆலைகள் மீது இஸ்ரேல் நடத்திய மரபுசாரா மற்றும் சட்டவிரோதமான தாக்குதலை ஈரானின் இஸ்லாமியப் புரட்சிகரப் பாதுகாப்புப் படை (IRGC) கண்டனம் செய்துள்ளது.

பொதுமக்கள் உள்கட்டமைப்புகளை இஸ்ரேல் குறிவைப்பதாக ஐ.ஆர்.ஜி.சி-யின் மக்கள் தொடர்புத் துறை குற்றம் சாட்டுகிறது.

குவைத்தின் கடல்நீர் சுத்திகரிப்பு ஆலைகள் மீது சியோனிச ஆட்சி நடத்தியுள்ள மரபுசாரா மற்றும் சட்டவிரோதத் தாக்குதல், சியோனிச ஆக்கிரமிப்பாளர்களின் இழிநிலையையும் கீழ்த்தரத்தையும் பறைசாற்றுகிறது. மேலும், புரட்சிகரப் பாதுகாப்புப் படையினர் இந்த மனிதாபிமானமற்ற செயலைக் வன்மையாகக் கண்டிப்பதோடு, அப்பகுதியில் உள்ள அமெரிக்கத் தளங்களும் இராணுவத்தினரும், ஆக்கிரமிக்கப்பட்ட பாலஸ்தீனப் பகுதிகளில் உள்ள சியோனிச ஆட்சியின் இராணுவ மற்றும் பாதுகாப்பு மையங்களும் எங்களின் சக்திவாய்ந்த இலக்குகள் என்று பிரகடனப்படுத்துகின்றனர்.