ஈரான் போரில் 100 மணி நேரத்தில் வாஷிங்டனுக்கு 3.7 பில்லியன் டாலர் இழப்பு

ஈரான் மீதான அமெரிக்கப் போரின் முதல் 100 மணிநேரங்களுக்கு $3.7 பில்லியன் அல்லது ஒவ்வொரு நாளும் $891.4 மில்லியன் செலவாகியுள்ளதாக மதிப்பிடப்பட்டுள்ளது என மூலோபாய மற்றும் சர்வதேச ஆய்வுகள் மையம் (CSIS) தெரிவித்துள்ளது.

அமெரிக்க ஜனாதிபதி டொனால்ட் டிரம்ப் மற்றும் பாதுகாப்பு செயலாளர் பீட் ஹெக்செத் இருவரும் போர் வாரக்கணக்கில் நீடிக்கக்கூடும் என்று குறிப்பிட்டுள்ள நிலையில், வாஷிங்டன் டி.சி.யை தளமாகக் கொண்ட சிந்தனைக் குழு, போருக்கு நிதியளிக்க பாதுகாப்புத் துறைக்கு தற்போது பட்ஜெட்டில் ஒதுக்கப்பட்டுள்ளதை விட அதிக பணம் தேவைப்படும் என்று குறிப்பிடுகிறது.

அமெரிக்கா குறைந்த விலை வெடிமருந்துகளுக்கு மாறும்போது வெடிமருந்துகளின் விலை குறையும் என்று CSIS கூறியது. அதிநவீன ஆயுதங்கள் தேவைப்படுவதால் வான்வழித் தாக்குதலைத் தொடங்குவது மிகவும் விலை உயர்ந்தது என்று விளக்கியது.

இருப்பினும், இங்கு பட்ஜெட் செய்யப்படாத செலவுகள் கணிசமாக இருக்கும். அதாவது பாதுகாப்புத் துறைக்கு ஒரு கட்டத்தில் கூடுதல் நிதி தேவைப்படும். ஏனெனில் இந்த மோதலுக்கு உள்நாட்டில் நிதியளிக்கத் தேவையான பாதீடு வெட்டுக்களின் அளவு அரசியல் ரீதியாகவும் செயல்பாட்டு ரீதியாகவும் கடினமாக இருக்கும் என்று அது கூறியது.