மடகாஸ்காரில் சூறாவளி: 31 பேர் உயிரிழப்பு

மடகாஸ்கரில் புதன்கிழமை ஏற்பட்ட வெப்பமண்டல சூறாவளியால் குறைந்தது 31 பேர் கொல்லப்பட்டதாக உள்ளூர் அதிகாரிகள் தெரிவித்தனர்.

தேசிய இடர் மேலாண்மை மற்றும் சிவில் பாதுகாப்பு அலுவலகம் (BNGRC), இன்னும் பலர் காணவில்லை என்றும் குறைந்தது 36 பேர் காயமடைந்துள்ளதாகவும் தெரிவித்துள்ளது.

கெசானி என்ற வெப்பமண்டல சூறாவளி மணிக்கு 270 கிலோமீட்டர்  வேகத்தில் தீவு முழுவதும் வீசியதாக BNGRC தெரிவித்துள்ளது.

31 பேர் கொல்லப்பட்டு மேலும் 250,000 பேர் பாதிக்கப்பட்டுள்ளதாக மதிப்பிடப்பட்டுள்ளது.

தீவின் இரண்டாவது பெரிய நகரமான டோமாசினாவில் 29 இறப்புகள் பதிவாகியுள்ளதாக அந்த நிறுவனம் தெரிவித்துள்ளது.

வானிலை அமைப்பின் விளைவாக, 6,870 பேர் இடம்பெயர்ந்தனர், அதே நேரத்தில் மொத்தம் 250,406 பேர் பேரிடர் பாதிக்கப்பட்டவர்களாக வகைப்படுத்தப்பட்டுள்ளனர் என்று BNGRC தெரிவித்துள்ளது.

டோமாசினா அமைந்துள்ள அட்சினனானா பகுதியில், சுமார் 75% உள்கட்டமைப்பு சேதமடைந்துள்ளது அல்லது அழிக்கப்பட்டுள்ளது.

அக்டோபரில் இராணுவப் புரட்சியில் ஆட்சியைப் பிடித்த ஜனாதிபதி மைக்கேல் ராண்ட்ரியானிரினா, சேதங்களை ஆய்வு செய்யவும் குடியிருப்பாளர்களைச் சந்திக்கவும் டோமாசினாவுக்கு விஜயம் செய்தார்.

சமூக ஊடகங்களில் வெளியிடப்பட்ட காணொளிகள், சுற்றுப்புறங்களில் வெள்ளம் சூழ்ந்ததையும், பரவலான சேதத்தையும் காட்டியது.

இது ஒரு பேரழிவு. கூரைகள் பறந்துவிட்டன, சுவர்கள் இடிந்து விழுந்துள்ளன. மின் கம்பங்கள் சாய்ந்துள்ளன, மரங்கள் வேரோடு சாய்ந்துள்ளன.