விமான விபத்தில் லிபிய இராணுவ ஜெனரல் உயிரிழந்தார்

துருக்கியில் நடந்த விமான விபத்தில் லிபிய ராணுவத் தலைவர் கொல்லப்பட்டதாக லிபிய பிரதமர் தெரிவித்துள்ளார்.

செவ்வாய்க்கிழமை மாலை துருக்கிய தலைநகர் அங்காராவிலிருந்து புறப்பட்ட பால்கன் 50 விமானத்தில் ஜெனரல் முகமது அலி அகமது அல்-ஹதாத் மற்றும் நான்கு பேர் பயணித்தனர்.

உள்ளூர் நேரப்படி 20:52 மணிக்கு அங்காரா விமான நிலையத்திலிருந்து புறப்பட்ட சுமார் 42 நிமிடங்களுக்குப் பின்னர் வணிக ஜெட் விமானத்துடனான சமிக்ஞை இழந்ததாகக் கூறினார்.

திரிப்போலிக்குச் சென்ற ஜெட் விமானம் தொடர்பு துண்டிக்கப்படுவதற்கு முன்பு அவசரமாக தரையிறங்க கோரிக்கை விடுத்தது. விமானத்தின் சிதைவுகள் பின்னர் அங்காராவின் தென்மேற்கில் கண்டுபிடிக்கப்பட்டன. மேலும் விபத்துக்கான காரணம் குறித்து இப்போது விசாரணை நடந்து வருகிறது.