பள்ளி இடிந்து விழுந்தது: 91 மாணவர்கள் நிலை கேள்விக்குறி?

இந்தோனேசியா பள்ளி இடிந்து விழுந்ததில் 90க்கும் மேற்பட்ட மாணவர்கள் சிக்கிக் கொண்டனர்.

ஜாவாவில் இடிந்து விழுந்த பள்ளி கட்டிடத்தின் இடிபாடுகளுக்குள் சுமார் 91 மாணவர்கள் இன்னும் சிக்கியிருப்பதாக நம்பப்படுவதால், இந்தோனேசிய அதிகாரிகளும் மீட்புப் பணியாளர்களும் புதன்கிழமை உயிர் பிழைத்தவர்களைத் தேடும் பணியைத் தொடர்ந்தனர்.

மூன்றாவது மற்றும் நான்காவது மாடியில் சட்டவிரோதமாக கட்டுமானப் பணிகள் நடைபெற்று வந்த நிலையில், பல மாடி இஸ்லாமிய உறைவிடப் பள்ளி நேற்று முன்தினம் திங்கள்கிழமை இடிந்து விழுந்தது. பிற்பகல் தொழுகைக்காக மாணவர்கள் மண்டபத்தில் கூடியிருந்தபோது அந்தக் கட்டிடம் இடிந்து விழுந்தது. 

காணாமல் போனவர்களில் பெரும்பாலோர் 12 முதல் 18 வயதுக்குட்பட்ட சிறுவர்கள். பெண் மாணவர்கள் பிரார்த்தனைக்காக வேறு ஒரு மண்டபத்தில் கூடியிருந்தனர். இதனால் அவர்களால் தப்பிக்க முடிந்தது.

300க்கும் மேற்பட்ட மீட்புப் பணியாளர்கள், காவல்துறை அதிகாரிகள் மற்றும் வீரர்கள் இடிபாடுகளுக்குள் தொடர்ந்து பணியாற்றி வருகின்றனர்.

91 பேர் கட்டிடப் பொருட்களின் கீழ் புதைந்திருக்கலாம் என்று சந்தேகிக்கப்படுகிறது,

இடிபாடுகளுக்கு அடியில் குறைந்தது ஆறு குழந்தைகள் உயிருடன் இருப்பதாகவும், இடிபாடுகளில் நிலையற்ற கான்கிரீட் தொகுதிகள் இருப்பதால் மீட்புப் பணி சிக்கலாகிவிட்டது.

இதுவரை மூன்று பேர் இறந்ததாகவும், 100 பேர் காயமடைந்ததாகவும் உறுதிப்படுத்தப்பட்டுள்ளது. காயமடைந்தவர்களில் 26 பேர் மருத்துவமனையில் அனுமதிக்கப்பட்டுள்ளனர்.