27 ஆண்டுகளுக்குப் பின்னர் தலைநகரில் ஆட்சியைப் பிடித்தது பிஜேபி

27 ஆண்டுகளுக்குப் பின்னர் பிரதமர் நரேந்திர மோடியின் கட்சியான பி.ஜே.பி பெரும்பாண்மை வெற்றிபெற்று இந்தியத் தலைநகர் டெல்லியில் ஆட்சியைக் கைப்பற்றியுள்ளது.

இந்திய தேர்தல் ஆணையத்தின் (EC) தரவுகளின்படி, 70 உறுப்பினர்களைக் கொண்ட சட்டமன்றத்தில் பாரதிய ஜனதா கட்சி (BJP) 47 இடங்களில் வெற்றி பெற்றுள்ளது அல்லது முன்னிலை வகிக்கிறது. அதே நேரத்தில் தற்போதைய ஆட்சியில் இருக்கும் ஆம் ஆத்மி கட்சி (AAP) 23 இடங்களில் முன்னிலை வகிக்கிறது.

இத்தேர்தலில் 35 இடங்களை விட பாதிக்கும் மேற்பட்ட இடங்களை வெல்லும் ஒரு கட்சி அரசாங்கத்தை அமைக்க முடியும்.

வெற்றியின் பின்னர் "வளர்ச்சி வெல்லும், நல்லாட்சி வெல்லும்" என்று மோடி எக்ஸ் தளத்தில் எழுதினார். டெல்லியை வளர்ப்பதில் தனது கட்சி எந்தவொரு முயற்சியையும் விட்டுவிடாது என்று மேலும் தெரிவித்தார்.

நாட்டின் தலைநகராக டெல்லியின் குறியீட்டு முக்கியத்துவத்தைக் கருத்தில் கொண்டு, இந்தத் தேர்தல் பாஜக மற்றும் ஆம் ஆத்மி கட்சிகள் இரண்டிற்கும் கௌரவப் போராக அமைந்தது.

கூட்டாட்சி நிர்வாகப் பிரதேசமான இந்த நகரம், 2013 முதல் ஆம் ஆத்மி கட்சியால் ஆளப்படுகிறது. வாக்காளர்கள் அதன் வலுவான நலத்திட்ட சாதனையை ஆதரித்தனர். ஆனால் கட்சியும் அதன் தலைவர்களும் சமீபத்தில் பல சவால்களை எதிர்கொண்டனர். தலைவர்கள் ஊழல் குற்றச்சாட்டுகளில் சிக்கியதை அவர்கள் மறுத்துள்ளனர்.

பாஜகவைப் பொறுத்தவரை, டெல்லியைக் கைப்பற்றுவது என்பது வெறும் தேர்தல் வெற்றியை விட அதிகமானதைக் குறிக்கிறது. பிஜேபி 1998 முதல் அங்கு அதிகாரத்தில் இருந்து விலகி இருந்த பின்னர் இப்போதுதான் நாட்டின் தலைநகரில் ஒரு ஆட்சியைப் இடத்தைப் பிடித்துள்ளது.

மகாராஷ்டிரா, சத்தீஸ்கர் போன்ற பிற மாநிலங்களில் சமீபத்திய தேர்தல் வெற்றிகளைப் பெற்ற கட்சி, டெல்லி பிரச்சாரத்திற்கு வளங்களைச் செலவிட்டது. மோடி மற்றும் உள்துறை அமைச்சர் அமித் ஷா ஆகியோர் நிகழ்வுகளில் கலந்து கொண்டனர்.

தேசிய அளவில் பிரதான எதிர்க்கட்சியான காங்கிரசும் போட்டியில் இருந்தது. ஆனால் ஒரு இடத்தைக் கூட வெல்ல வாய்ப்பில்லை.

1998 முதல் 2013 வரை டெல்லியை ஆட்சி செய்த அந்தக் கட்சி, ஊழல் குற்றச்சாட்டுகளால் பதவி நீக்கம் செய்யப்பட்டதால், வாக்காளர்கள் ஆம் ஆத்மி கட்சி பக்கம் திரும்பினர். அதன் பின்னர் அக்கட்சி மக்கள் மத்தியில் தங்கள் செல்வாக்கை இழந்தது.

கடந்த ஆண்டு பொதுத் தேர்தலில் மோடியின் கட்சி பெரும்பான்மையை இழந்த பின்னர் அரசியல் ரீதியாக முக்கியமான டெல்லியில் கிடைத்த வெற்றி இது. இந்திய வாக்காளர்களிடையே மோடியின் புகழை வலுப்படுத்தும் என்று நிபுணர்கள் கூறுகின்றனர்.

இந்தத் தோல்வி ஆம் ஆத்மி கட்சிக்கு ஒரு பெரிய அடியாகும். இது மிகச் சிறிய கட்சியாகும். இது ஆட்சிக்கு வந்த ஆரம்ப ஆண்டுகளில் நகரத்தில் கல்வி மற்றும் சுகாதார வசதிகளை மேம்படுத்துவதில் கவனம் செலுத்தியதற்காகப் பாராட்டப்பட்டது. இது பஞ்சாப் மாநிலத்தையும் ஆளுகிறது. ஆனால் டெல்லியைத் தக்கவைத்துக்கொள்வது இப்போது அதன் எதிர்காலம் குறித்த கேள்விகளை எதிர்கொள்ளும் சிக்கலான கட்சிக்கு ஒரு வெற்றியாக இருந்திருக்கும்.

இன்று சனிக்கிழமை, ஆம் ஆத்மி கட்சிக்கு மிகப்பெரிய பின்னடைவாக, உயர்மட்டத் தலைவர்களான அரவிந்த் கெஜ்ரிவால் மற்றும் மணீஷ் சிசோடியா ஆகியோர் முறையே புது தில்லி மற்றும் ஜங்புரா தொகுதிகளில் தோல்வியடைந்தனர்.

தற்போதைய முதலமைச்சர் அதிஷி கல்காஜி தொகுதியில் ஒரு குறுகிய வெற்றியை மட்டுமே பெற முடிந்தது.

மக்களின் தீர்ப்பை தானும் தனது கட்சியும் ஏற்றுக்கொண்டோம் என்றும், பாஜகவின் வெற்றிக்கு வாழ்த்து தெரிவித்ததாகவும் எக்ஸ் தளத்தில் அரவிந்த் கெஜ்ரிவால் தெரிவித்தார்.

அவர்களுக்கு வாக்களித்த மக்களின் எதிர்பார்ப்புகளை அவர்கள் பூர்த்தி செய்வார்கள் என்று நான் நம்புகிறேன் என்று அவர் மேலும் கூறினார்.

கடந்த புதன்கிழமை நடைபெற்ற தேர்தலில் தகுதியுள்ள வாக்காளர்களில் 60% க்கும் அதிகமானோர் தங்கள் வாக்களிப்பை பதிவு செய்தனர். பெரும்பாலான வாக்குப்பதிவுக்குப் பிந்தைய கருத்துக் கணிப்புகள் பாஜகவுக்கு முழுமையான பெரும்பான்மை கிடைக்கும் என்று கணித்திருந்தன. இருப்பினும் இதுபோன்ற கணிப்புகள் கடந்த காலங்களில் தவறாகிவிட்டன.

பாஜக பிரச்சாரத்தின் பெரும்பகுதி ஊழல் எதிர்ப்பு ஆர்வலரான கெஜ்ரிவாலை குறிவைத்தது. அவர் - சிசோடியாவுடன் சேர்ந்து இப்போது இரத்து செய்யப்பட்ட மது விற்பனைக் கொள்கை தொடர்பான ஊழல் வழக்கில் கடந்த இரண்டு ஆண்டுகளாக சிறையில் அடைக்கப்பட்டிருந்தார். அனைத்து குற்றச்சாட்டுகளையும் மறுக்கும் இரு தலைவர்களும், பல மாதங்கள் சிறையில் கழித்த பின்னர் கடந்த ஆண்டு தனித்தனியாக பிணையில் வெளிவந்தனர். 

மோடியின் கட்சி தனக்கும் ஆம் ஆத்மி கட்சிக்கும் எதிராக அரசியல் பழிவாங்கும் நடவடிக்கையை மேற்கொள்வதாக கெஜ்ரிவால் குற்றம் சாட்டியுள்ளார்அதை பாஜக மறுக்கிறது.

உச்ச நீதிமன்றத்தின் பிணை நிபந்தனைகள் அவர் முதல்வர் அலுவலகத்திற்குள் நுழையவோ அல்லது கோப்புகளில் கையெழுத்திடவோ தடை விதித்தன. சிறையில் இருந்து விடுதலையான சில நாட்களுக்குப் பிறகு கெஜ்ரிவால் அந்தப் பொறுப்பில் இருந்து பதவி விலகியிருந்தமை இங்கே நினைவூட்டத்தக்கது.