இலங்கை ஆட்கடத்தலில் ஈடுபட்ட முக்கிய நபர் தமிழ்நாட்டில் கைது!

இலங்கையில் ஆட்கடத்தல் வழக்கில் தொடர்புடைய முக்கிய சந்தேகநபரை தேசிய புலனாய்வு முகமை (NIA) சனிக்கிழமை தமிழ்நாட்டில் கைது செய்தது. குற்றம் சாட்டப்பட்ட சீனி அபுல்கான் கடந்த மூன்று ஆண்டுகளாக தலைமறைவாக இருந்தார்.

விசாரணையில் அபுல்கான் தனது கூட்டாளிகளுடன் சேர்ந்து கடத்தப்பட்ட பாதிக்கப்பட்டவர்களை படகில் ஏற்றி மங்களூருவுக்கு அனுப்பி வைப்பதில் ஈடுபட்டது தெரியவந்தது. 

2021 ஆம் ஆண்டு ஜூன் மாதம் மங்களூரு காவல்துறை 13 இலங்கை குடிமக்களை கடத்தல்காரர்களிடம் இருந்து மீட்டபோது இந்த வழக்கு தொடங்கியது. என்ஐஏ விசாரணையை எடுத்து மீண்டும் வழக்கை பதிவு செய்தது.

ஈசன் என்ற இலங்கைக் குடிமகன் அபுல்கானுடன் இணைந்து 38 இலங்கை குடிமக்களை தமிழகத்தின் பல்வேறு பகுதிகளுக்கு சட்டவிரோதமாக கொண்டு சென்றது விசாரணையில் தெரியவந்தது. 

பாதிக்கப்பட்டவர்களுக்கு கனடாவில் வேலை வாய்ப்புகள் வழங்குவதாக பொய்யான வாக்குறுதி அளிக்கப்பட்டதுடன், நாட்டிற்கு குடிபெயர்வதற்கான முறையான ஆவணங்களைப் பெறுவதற்கான உறுதிமொழியும் அளிக்கப்பட்டது.

அக்டோபர் 2021 மற்றும் ஜனவரி 2024 க்கு இடையில் குற்றம் சாட்டப்பட்ட 10 பேருக்கு எதிராக தேசிய புலனாய்வு முகமை குற்றப்பத்திரிகையை தாக்கல் செய்துள்ளது. இன்னும் தலைமறைவாக உள்ள மீதமுள்ள மூன்று சந்தேக நபர்களை கைது செய்வதற்கான முயற்சிகளை புலானய்வு அமைப்பு தொடர்ந்து மேற்கொண்டு வருவதால் விசாரணை நடந்து வருகிறது.

ஜூலை மாதம் இதேபோன்ற ஒரு சம்பவம், டெல்லியில் இளம் இந்தியர்களுக்கு லாபகரமான வேலைகள் வழங்குவதாகக் கூறி அவர்களைக் கவர்ந்து வெளிநாடுகளுக்கு கடத்தியதாக சந்தேகிக்கப்படும் நான்கு முக்கிய குற்றவாளிகளை என்ஐஏ கைது செய்தது.