பொலிவியாவில் இராணுவத் சதி முறியடிப்பு: இராணுவத் தளபதி கைது!!

பொலிவியா நாட்டின் தலைநகரில் அமைந்துள்ள அந்நாட்டு அதிபர்  மாளிகைக்குள் நுழைந்து ஆட்சிக் கவிழ்ப்புச் செய்த அந்நாட்டு இராணுவத் தளபதி ஜெனரல் ஜுவான் ஜோஸ் ஜூனிகாவை சில மணி நேரங்களுக்குப் பின்னர் பொலிவியக் காவல்துறையினர் கைது செய்தனர்.

இராணுவ ஆட்சிக் கவிழ்ப்புக்காக முக்கிய அரசாங்க கட்டிடங்கள் அமைந்துள்ள முரில்லோ சதுக்கத்தில் கவச வாகனங்கள் மற்றும் துருப்புக்கள் நிலைகளை எடுத்தன. தற்போது குறித்த வாகனங்கள் பின்வாங்கத் தொடங்கியுள்ளன.

இராணுவக் கிளர்ச்சியை மேற்கொண்ட இராணுவத் தளபதி ஜெனரல் ஜுவான் ஜோஸ் ஜூனிகா அதிபர் மாளிகைக் கட்டிடத்தில் காணொளியில் பேசினார். நாங்கள் எங்கள் தாயகத்தை மீட்டெடுக்கப் போகிறோம். ஜனநாயகத்தை மறுசீரமைக்க விரும்புவதாகவும் ஆட்சியில் இருக்கும் பொலிவிய அதிபர் லூயிஸ் ஆர்ஸை மதிப்பதாகவும் அரசாங்கத்தில் மாற்றம் ஏற்படும் என்றும் கூறினார்.

சிறையில் உள்ள முன்னாள் தலைவர் ஜீனைன் அனெஸ் உட்பட அரசியல் கைதிகள் விடுவிக்கப்படுவார்கள் என்றும் ஜெனரல் ஜூனிகா கூறினார்.

தற்போது இராணுவக் கிளர்ச்சியல் ஈடுபட்ட ஜெனரல் ஜுவான் ஜோஸ் ஜூனிகா காவல்துறையினரால் கைது செய்யப்பட்டார்.

இராணுவ சதி முயற்சியை அந்நாட்டு அதிபர் லூயிஸ் ஆர்ஸ் கண்டித்துள்ளார். ஜனநாயகத்திற்கு ஆதரவாக ஒழுங்கமைக்கவும் அணிதிரட்டவும்" பொதுமக்களுக்கு அழைப்பு விடுத்தார்.பொலிவியன் உயிர்களைப் பறிக்கும் சதி முயற்சிகளை மீண்டும் ஒருமுறை அனுமதிக்க முடியாது என்று அவர் மேலும் கூறினார்.

ஆட்சிக்கவிழ்ப்பு தீவிரமாக நடந்து கொண்டிருந்த நிலையில் ஜனாதிபதி மாளிகையில் இருந்து புதிய இராணுவ தளபதிகளை நியமித்தார். பின்னர் அவர்கள் சதுக்கத்தில் உள்ள துருப்புக்களை வீடு திரும்பும்படி கட்டளையிட்டனர்.

ஆட்சிக் கவிழ்ப்பு முயற்சியைக் கண்டித்ததோடு, ஜெனரல் ஜூனிகா மற்றும் அவரது "உடந்தையாளர்களுக்கு" எதிராக கிரிமினல் குற்றச்சாட்டுகள் சுமத்தப்படவுள்ளது.

குற்றவியல் விசாரணையைத் திறக்கும் என்று அரசு வழக்கறிஞர் அலுவலகம் கூறியது.

ஜனநாயகம் மற்றும் சட்டத்தின் ஆட்சிக்கு மதிப்பளிக்க ஒரு ஆற்றல்மிக்க அழைப்பை அண்டை நாடான பராகுவேயின் தலைவர் விடுத்தார். 

அதே நேரத்தில் சதிமாற்ற முயற்சிக்கு கடுமையான கண்டனத்தை மெக்சிகோவின் ஜனாதிபதி  தெரிவித்தார்.

பொலிவியாவில் நிலைமையை உன்னிப்பாகக் கண்காணித்து வருவதாகவும், நிதானத்தைக் கடைப்பிடிப்பதாகவும் அமெரிக்கா கூறியுள்ளது.

பொலிவியாவில் அரசியலமைப்பு ஒழுங்கை சீர்குலைக்கும் எந்தவொரு முயற்சியையும் ஐரோப்பிய ஒன்றியம் கண்டிக்கிறது என்று அமைப்பின் வெளியுறவுக் கொள்கைத் தலைவர் ஜோசப் பொரெல் சமூக ஊடகங்களில் எழுதினார்.