முத்தம் கொடுத்த விவகாரம்: ஃபிஃபா ஸ்பெயின் கால்பந்து கூட்டமைப்பு தலைவர் இடை நீக்கம்

மகளிர் உலகக் கோப்பை உதைபந்தாட்டப் போட்டில் ஸ்பெயினின் வெற்றிக்குப் பின்னர் நடந்த பரிசளிப்பு நிகழ்வில் வீராங்கனை ஜென்னி ஹெர்மோசோவின் தலையைப் பிடித்து உதட்டில் முத்தமிட்ட ரோயல் ஸ்பானிஷ் கால்பந்து கூட்டமைப்பு (RFEF) தலைவர் லூயிஸ் ரூபியேல்ஸை ஃபிஃபாவின் (FIFA) ஒழுங்குமுறைக் குழு 90 நாட்களுக்கு தற்காலிகமாக இடைநீக்கம் செய்துள்ளது.

ரூபியால்ஸ் கடந்த வெள்ளிக்கிழமை தனது பதவி விலகலை அறிவிப்பார் என்று எதிர்பார்க்கப்பட்டது. ஆனால் அதற்கு பதிலாக அவர் பதவி விலக மாட்டார் என்று கூறினார்.

மேலும் ஹெர்மோசோ அவர் கொடுத்த முத்தத்திற்கு ஜென்னி ஹெர்மோசோ சம்மதிக்கவில்லை என்று கூறியதை அடுத்து ரோயல் ஸ்பானிஷ் கால்பந்து கூட்டமைப்பு சட்ட நடவடிக்கை எடுக்கப்படும் என்று கூறியது.

ஃபிஃபாவின் ஒழுங்குமுறைக் குழுவின் தலைவர், தேசிய மற்றும் சர்வதேச அளவில் கால்பந்து தொடர்பான அனைத்து நடவடிக்கைகளிலிருந்தும் திரு லூயிஸ் ரூபியேல்ஸை தற்காலிகமாக இடைநீக்கம் செய்ய இன்று முடிவு செய்துள்ளார் என்று ஃபிஃபா சனிக்கிழமை ஒரு அறிக்கையில் தெரிவித்துள்ளது.

கடந்த ஞாயிற்றுக்கிழமை ஆஸ்திரேலியாவில் நடந்த உலகக் கோப்பை வெற்றியின் பெருமையை களங்கப்படுத்தியதாக வீரர்கள் கூறும் ரூபியால்ஸ் மற்றும் ரோயல் ஸ்பானிஷ் கால்பந்து கூட்டமைப்பு  மற்றும் ஹெர்மோசோ மற்றும் அவரது ஸ்பெயின் அணியினருக்கு இடையேயான மோதலில் ஃபிஃபாவின் இந்த நடவடிக்கை எடுத்துள்ளது.

உலகக் கோப்பையை வென்ற ஸ்பெயின் தேசிய அணி மற்றும் பல வீரர்களும், ரூபியால்ஸ் கூட்டமைப்பின் தலைவராக இருக்கும் போது தாங்கள் சர்வதேச போட்டிகளில் விளையாட மாட்டோம் என்று கூறியுள்ளனர்.

ஃபிஃபாவின் ஒழுக்காற்றுக் குழு ரூபியால்ஸ் மற்றும் ரோயல் ஸ்பானிஷ் கால்பந்து கூட்டமைப்பு அதிகாரிகள் மற்றும் பணியாளர்கள் ஹெர்மோசோவையோ அல்லது அவரைச் சுற்றியுள்ளவர்களையோ தொடர்புகொள்வதையோ அல்லது தொடர்பு கொள்ள முயற்சிப்பதையோ தவிர்க்குமாறு உத்தரவிட்டது.

ஃபிஃபா இந்த வார தொடக்கத்தில் ரூபியேல்ஸுக்கு எதிராக ஒரு நெறிமுறை விசாரணையைத் தொடங்குவதாக ஏற்கனவே கூறியிருந்தது.