காபோனில் ஆட்சியைக் கைப்பற்றியது இராணுவம்!!
மத்திய ஆபிரிக்க நாடான காபோனில் இராணுவப் புரட்சி மூலம் 55 வருட குடும்ப ஆட்சி மூலம் முற்றுப்புள்ளி வைக்கப்பட்டுள்ளது. காபோனில் உள்ள உயர்மட்ட இராணுவ அதிகாரிகள் குழு புதன்கிழமை தொலைக்காட்சியில் தோன்றி, நம்பகத்தன்மை இல்லாததால், நாட்டின் சமீபத்திய தேர்தல் முடிவுகள் செல்லாததாக அறிவித்தது.
64 வயதான ஜனாதிபதி அலி போங்கோ 64.27% வாக்குகள் பெற்று தேர்தலில் வெற்றி பெற்றதாக மத்திய ஆபிரிக்க நாட்டின் தேர்தல் கமிட்டி புதன்கிழமை அதிகாலை அறிவித்த சிறிது நேரத்திலேயே தலைநகர் லிப்ரெவில்லியின் மையத்தில் துப்பாக்கிச் சூடு ஒலித்தது.
போங்கோ "தேசத்துரோகத்திற்காக" வீட்டுக் காவலில் வைக்கப்பட்டதாகவும், ஏனைய அரசாங்கப் பிரமுகர்கள் பல்வேறு குற்றச்சாட்டுகளில் தடுத்து வைக்கப்பட்டுள்ளனர் என ஆட்சிக் கவிழ்ப்புத் இராணுவ அதிகாரிகள் கூறினர்.
ஜனாதிபதி அலி போங்கோ வீட்டுக் காவலில் உள்ளார். அவரது குடும்பத்தினர் மற்றும் மருத்துவர்களால் அவர் கவனிக்கப்பட்டு வருகிறார் என்று அவர்கள் அரசு தொலைக்காட்சியில் படித்த அறிக்கையில் இராணுவ அதிகாரிகள் தெரிவித்தனர்.
கைது செய்யப்பட்ட மற்ற நபர்களில் ஜனாதிபதியின் நெருங்கிய ஆலோசகராக இருந்த அவரது மகன் நூரெடின் போங்கோ வாலண்டைனும் அடங்குவார்.
அரசாங்க ஆட்சிக் கட்டமைப்புகள் அனைத்தும் கலைக்கப்பட்டு தற்போதை ஆட்சிக்கு முற்றுப்புள்ளி வைத்து அமைதியைக் காக்க முடிவு செய்துள்ளோம் என அதிகாரிகள் தெரிவித்தனர்.
அத்துடன் மேலதிக அறிவிப்பு வரும் வரை நாட்டின் அனைத்து எல்லைகளும் மூடப்படும் என இராணுவ அதிகாரிகள் அறிவித்தனர்.
சனிக்கிழமையன்று நடந்த தேர்தலைத் தொடர்ந்து பதட்டங்கள் அதிகரித்துள்ளன. அங்கு வளங்கள் நிறைந்த ஆனால் ஏழ்மையான தேசத்தில் மாற்றத்திற்கான எதிர்ப்பு அழைப்புகளுக்கு மத்தியில் போங்கோ தனது குடும்பத்தின் 55 ஆண்டுகால ஆட்சியைத் தொடர இலக்கு வைத்துள்ளார்.
சர்வதேச பார்வையாளர்கள் இல்லாததாலும், வெளிநாட்டு ஒளிபரப்பு நிறுத்தப்பட்டதாலும், நாடு தழுவிய இணைய முடக்கம் மற்றும் அதிகாரிகளால் ஊரடங்கு உத்தரவு விதித்ததாலும் வாக்குகளின் வெளிப்படைத்தன்மை பற்றிய கவலைகள் அதிகரித்தன.
நைஜரில் நடந்த இராணுவப் புரட்சியை அடுத்து அரசாங்கத்தை கவிழ்த்து கிட்டத்தட்ட ஒரு மாதத்திற்குப் பிறகு காபோன் இன்று ஆட்சிக் கவிழ்ப்பு நடந்தது.
காபோனின் ஆட்சியை இராணுவம் கைப்பற்றியதை மக்கள் மகிழ்ச்சியுடன் வரவேற்றுள்ளனர்.
Post a Comment