இந்தோனேசியாவுக்கும் இலங்கைக்கும் காலனித்துவ பொக்கிசங்களை திருப்பி அனுப்புகிறது நெதர்லாந்து

காலனித்துவ காலத்தில் டச்சுப் படைகளால் சூறையாடப்பட்டு கையகப்படுத்தி நெதர்லாந்து நாட்டுக்கு கொண்டு வரப்பட்ட கலைப் பொருட்களை மீண்டும் அந்நாடுகளிடம் கையளிக்க நெதர்லாந்து அரசாங்கம் நியமித்த ஆணையகம் பரிந்துரைத்துள்ளது.

இதன்பிரகாரம் 478 பொருட்களை மீண்டும் அந்நாடுகளிடம் திருப்பி அனுப்பும் முடிவு எடுக்கப்பட்டது.

இந்தப் பரிந்துரைகள் ஒரு காலனித்துவ சூழலில் இருந்து சேகரிப்புகளைக் கையாள்வதில் ஒரு மைல்கல் ஆகும். என்று கலாச்சாரம், கல்வி மற்றும் அறிவியலுக்கான நெதர்லாந்து துணை அமைச்சர் குணாய் உஸ்லு கூறினார்.

இந்தோனேசியாவின் முன்னாள் காலனித்துவ ஆட்சியாளர் நெதர்லாந்தின் சில கலைத் துண்டுகள் மற்றும் இயற்கை வரலாற்று சேகரிப்புகளைத் திருப்பித் தருமாறு கோரியதைத் தொடர்ந்து இந்த ஆணையம் அமைக்கப்பட்டது.

1894 இல் இந்தோனேசியாவின் லோம்போக் தீவில் உள்ள காக்ரனேகரா அரண்மனையைக் கைப்பற்றிய பின்னர் டச்சு காலனித்துவ இராணுவத்தால் சூறையாடப்பட்ட நூற்றுக்கணக்கான தங்க மற்றும் வெள்ளிப் பொருட்களின் "லோம்போக் புதையல்" என்று அழைக்கப்படும் சில பொருட்கள் திரும்ப ஒப்படைக்கப்பட உள்ளன.

வெள்ளி, தங்கம் மற்றும் மாணிக்கங்கள் உள்ளிட்ட விலையுயர்ந்த ரத்தினங்களால் அலங்கரிக்கப்பட்ட வெண்கல பீரங்கியும் இதில் அடங்கும்.

18 ஆம் நூற்றாண்டைச் சேர்ந்த "லெவ்கேயின் பீரங்கி" 1745 -1746 ஆண்டு காலத்தில் கண்டி மன்னருக்கு லெவ்கே திசாவா என்ற இலங்கைப் பிரபுக்களால் பரிசாக வழங்கப்பட்டதாக நம்பப்படுகிறது.

1765 ஆம் ஆண்டு இலங்கையின் ஆளுநர் லுபர்ட் ஜான் வான் எக் தலைமையிலான டச்சுப் படைகள் கண்டியைத் தாக்கி கைப்பற்றியபோது டச்சுக்காரர்களின் கைகளில் இந்தப் பீரங்கி வந்ததாக நம்பப்படுகிறது.

நெதர்லாந்தைச் சுற்றி காட்சிப்படுத்தப்பட்ட பிறகு, பீரங்கி இறுதியில் ஆம்ஸ்டர்டாமில் உள்ள ரிஜ்க்ஸ் கலைக்களஞ்சியத்தில் (மியூசியத்தில்) பார்வைக்காக வைக்கப்பட்டுள்ளது.

நைஜீரியாவில் 19 ஆம் நூற்றாண்டில் டச்சு காலனித்துவ ஆட்சியை எதிர்த்த ஜாவானிய அரசரான இளவரசர் டிபோனெகோரோவின் குதிரை சவாரி கடிவாளத்தை உள்ளடக்கிய கலைப்பொருள் சேகரிப்புகளும் அடங்கும்.

நெதர்லாந்தின் காலனித்துவ கால அடிமைகளில் ஈடுபட்டதற்காக டச்சு மன்னர் வில்லெம்-அலெக்சாண்டர் சனிக்கிழமை வரலாற்று சிறப்புமிக்க அரச மன்னிப்பு கோரினார்.