கொல்கத்தா ஹோட்டல் தீ விபத்தில் பலர் உயிரிழந்தனர்

இந்தியாவின் கொல்கத்தாவில் புதன்கிழமை அதிகாலை ஏற்பட்ட தீ விபத்தில் குறைந்தது ஒன்பது பேர் உயிரிழந்தனர் மற்றும் ஆறு பேர் காயமடைந்தனர் என்று அதிகாரிகள் தெரிவித்தனர். 

மத்திய கொல்கத்தாவில், நகரின் தீயணைப்புத் துறை தலைமையகத்திலிருந்து சில கட்டிடங்கள் தள்ளி, அதிகாலை 1:45 மணியளவில் தீ விபத்து ஏற்பட்டதாக பிரஸ் டிரஸ்ட் ஆஃப் இந்தியா (பிடிஐ) செய்தி வெளியிட்டுள்ளது. அந்தக் கட்டிடத்தில் பல சிறிய ஹோட்டல்கள் இயங்கி வந்தன.

காவல்துறையினரும் மீட்புக் குழுவினரும் சம்பவ இடத்திற்கு விரைந்த நிலையில், தீயைக் கட்டுப்படுத்த ஐந்து தீயணைப்புப் பிரிவுகள் ஈடுபடுத்தப்பட்டன. 

உயிரிழந்தவர்களில் இந்திய மற்றும் பங்களாதேஷ் நாட்டவர்கள் அடங்குவர் என்று தீயணைப்புத் துறை அமைச்சர் கௌஷிக் சௌத்ரி தெரிவித்தார். 

நாங்கள் அவர்களின் அடையாளங்களை உறுதிப்படுத்த முயற்சித்து வருகிறோம். இந்தக் கட்டிடத்தின் உள்ளே நிலைமை மிகவும் மோசமாக உள்ளது. இந்தக் கட்டிடத்திற்குள் பல ஹோட்டல்கள் உள்ளன. இங்கு என்ன நடக்கிறது என்பதைப் பார்த்து நான் அதிர்ச்சியடைந்தேன் என்று சௌத்ரி கூறினார்.

மின்கசிவு காரணமாக தீ விபத்து ஏற்பட்டிருக்கலாம் என்றும், ஆனால் தடயவியல் பரிசோதனைக்குப் பிறகே துல்லியமான காரணம் தெரியவரும் என்றும் அமைச்சர் மேலும் கூறினார். 

கட்டிட நிர்வாகம் அடிப்படைப் பாதுகாப்பு மற்றும் கட்டுமான விதிமுறைகளைப் பின்பற்றவில்லை. அந்த ஹோட்டலின் செயல்பாட்டில் பல முறைகேடுகள் நடந்ததாகக் குற்றம் சாட்டப்பட்டுள்ளது என்று அமைச்சர் மேலும் கூறினார்.