15 அம்ச அமெரிக்கத் திட்டத்தை ஈரான் நிராகரித்தது

15 அம்ச அமெரிக்கத் திட்டத்தை ஈரான் நிராகரித்தது. அச்சுறுத்தலின் கீழ் பேச்சுவார்த்தை நடக்காது எனக் கூறியது.

தேவைப்படும்போது தெஹ்ரான் தனது நாட்டை தன்னுடைய முழு பலத்துடன் பாதுகாக்கும் என்று நேற்றுத்  திங்களன்று தெஹ்ரானில் நடந்த செய்தியாளர் சந்திப்பில், ஈரான் வெளியுறவு அமைச்சகத்தின் செய்தித் தொடர்பாளர் இஸ்மாயில் பாகாயி கூறினார்.

அமெரிக்காவும் இஸ்ரேலும் எந்த வரம்புகளையும் பின்பற்றவில்லை என்றும், சர்வதேச சட்டத்தைப் புறக்கணிப்பதாகவும் அவர் குற்றம் சாட்டினார். 

மத்தியஸ்தர்கள் மூலம் தெரிவிக்கப்பட்டதாகக் கூறப்படும் 15 அம்ச அமெரிக்கப் போர்நிறுத்த முன்மொழிவை தர்க்கமற்றது  மற்றும் ஏற்றுக்கொள்ள முடியாதது என்று விவரித்து பாகாயி நிராகரித்தார்.

அச்சுறுத்தல்களுக்கு மத்தியில் பேச்சுவார்த்தைகள் தொடர முடியாது என்றும், எந்தவொரு ஒப்பந்தத்திற்கும் ஈரானின் தேசியப் பாதுகாப்பும் நலன்களுமே முக்கிய அளவுகோல்கள் என்றும் அவர் வலியுறுத்தினார்.