துருக்கி நோக்கிச் சென்ற ஏவுகணையைச் சுட்டு வீழ்த்தியது நேட்டோ படைகள்

துருக்கிய வான்வெளியை நோக்கிச் சென்று கொண்டிருந்த ஈரானிய ஏவுகணையை கிழக்கு மத்தியதரைக் கடலில் உள்ள நேட்டோ வான் பாதுகாப்புப் படைகள் அழித்ததாக அங்காராவில் உள்ள அதிகாரிகள் புதன்கிழமை தெரிவித்தனர்.

ஈராக் மற்றும் சிரியா மீது பறந்த பாலிஸ்டிக் ஏவுகணை, "சரியான நேரத்தில் ஈடுபடுத்தப்பட்டு ... செயலிழக்கச் செய்யப்பட்டது" என்று துருக்கியின் பாதுகாப்பு அமைச்சகம் ஒரு அறிக்கையில் தெரிவித்துள்ளது. உயிரிழப்புகள் எதுவும் இல்லை என்று அமைச்சகம் தெரிவித்துள்ளது.

நமது பிரதேசத்தையும் வான்வெளியையும் பாதுகாக்கத் தேவையான எந்தவொரு நடவடிக்கையும் தீர்க்கமாகவும் தயக்கமின்றியும் எடுக்கப்படும் என்று அந்த அறிக்கையில் மேலும் தெரிவிக்கப்பட்டுள்ளது.

துருக்கி ஏவுகணையின் இலக்காக இருக்கவில்லை என்றும், அது சைப்ரஸில் உள்ள ஒரு தளத்தை நோக்கிச் சென்றது என்றும் அங்காரா நம்புவதாக துருக்கிய அதிகாரி ஒருவர் ஏஎவ்பி செய்தி நிறுவனத்திடம் தெரிவித்தார்.