தனியார் வங்கி முகாமையாளரை காணவில்லை!
கடந்த வெள்ளப்பெருக்கில் கலா ஓயா பாலம் அருகே சிக்கியிருந்த பேருந்தில் பயணம் செய்த தனியார் வங்கி முகாமையாளர் ஒருவரை இதுவரை கண்டுபிடிக்க முடியவில்லை. அனைத்து பயணிகளும் மீட்கப்பட்டு அருகிலிருந்த ஒரு கட்டிடத்தின் கூரைக்கு கொண்டு செல்லப்பட்டு பின்னர் நொச்சியகம மருத்துவமனைக்கு மாற்றப்பட்டதாக தெரிவிக்கப்பட்டிருந்தாலும், இந்த நபரின் பெயர் மருத்துவமனை அனுமதி பட்டியலில் இல்லை.
காணாமல் போன நபர் தணிகாசலம் பத்மநிகேதன்(வயது: 36) அவரின் கடைசி தொடர்பு வெள்ளிக்கிழமை மாலையிலான ஒரு தொலைபேசி அழைப்பாகும்; அதன் பின்னர் எந்த தகவலும் கிடைக்கவில்லை.
சில பயணிகள், அவர்கள் இருந்த கட்டிடத்தின் கூரை ஒரு தருணத்தில் முறிந்ததாகவும் அப்போது சிலரை காப்பாற்றியதாகவும் கூறியுள்ளனர். ஆனால் அவர் வெள்ளநீரில் விழுந்தாரா என்பதில் எந்த உறுதிப்பாடும் இல்லை.
இந்த சம்பவம் தொடர்பாக நொச்சியகம காவல் நிலையத்தில் முறையிடப்பட்டுள்ளது.
Post a Comment